10:23, 28 - اقپان 2016 | GMT +5
مايرا مۇحامەد قىزى جەكە كونسەرتىن ناۋرىز مەرەكەسىنە ارنايدى
استانا. قازاقپارات - 22 - ناۋرىز كۇنى «استانا وپەرا» تەاترىندا قازاقستاننىڭ ەڭبەك سىڭىرگەن ءارتىسى، پ. چايكوۆسكي اتىنداعى ХI حالىقارالىق بايقاۋدىڭ لاۋرەاتى، مەملەكەتتىك سىيلىقتىڭ لاۋرەاتى مايرا مۇحامەد قىزىنىڭ «شىرقار ءانىم - استانا كوكتەمى» اتتى جەكە كونسەرتى وتەدى.
تەاتردىڭ باسپا ءسوز قىزمەتىنەن حابارلاعانداي، ناۋرىزعا ارنالعان كونسەرت «استانا وپەرا» تەاترىنىڭ بالەت ارتىستەرى، سيمفونيالىق وركەسترى مەن حورىنىڭ قاتىسۋىمەن وتەدى.
كونسەرتتى جۇرگىزۋشىلەر - دانا نۇرجىگىت، ەۆگەني چاينيكوۆ.
باعدارلامانىڭ ءبىرىنشى بولىمىندە - دج. ۆەردي، ج. ماسسنە، گ. دونيسەتتي، س. فرانك، ي. كالمان، ج. وففەنباحتىڭ كلاسسيكالىق وپەرا جانە وپەرەتتالارىنان اريالار مەن دۋەتتەر ورىندالادى.
ەكىنشى بولىمدە قازاق حالىق اندەرى مەن زاماناۋي اندەر، سونداي- اق ا. جۇبانوۆ پەن ل. حاميدي، ە. راحماديەۆ، س. مۇحامەدجانوۆ، ا. مۇحيتدينوۆتىڭ وپەرالارىنان اريالار مەن دۋەتتەر ورىندالادى.
ديريجەر - قازاقستاننىڭ ەڭبەك سىڭىرگەن قايراتكەرى ابزال مۇحيتدينوۆ. باس حورمەيستەر - قازاقستاننىڭ ەڭبەك سىڭىرگەن قايراتكەرى ەرجان ءداۋىتوۆ.
