شىمكەنتتە ساربازدار سايىسى ءوتىپ جاتىر

استانا. قازاقپارات - شىمكەنتتە ۇلتتىق ۇلان كوماندالارى اراسىندا اسكەري قويان-قولتىق ۇرىستان رەسپۋبليكالىق بىرىنشىلىك ءوتىپ جاتىر.

تاۋەلسىزدىگىمىزدىڭ 25 جىلدىعى مەن تاجىك-اۋعان شەكاراسىندا قازا بولعان ساربازداردى ەسكە الۋعا ارنالعان سايىسقا 6 كوماندا قاتىسۋدا.

قويان-قولتىق ۇرىستى جەتىك مەڭگەرگەن 60 تان استام جاۋىنگەر مەن وفيتسەرلەر 55 كەلىدەن باستاپ 90 كەلىدەن جوعارى سالماق دارەجەسىندە ءوزارا مىقتىنى انىقتايتىن بولادى.

ءتورت ايماق پەن ورتالىقتان كەلگەن ساربازدار جاڭا ەرەجە بويىنشا سىنعا تۇسۋدە. بۇرىن كىندىكتەن تومەن جانە قۇلاپ قالعان قارسىلاسىن ۇرۋعا بولمايتىن. مۇندا وعان رۇقسات ەتىلگەن. دەگەنمەن بارلىق قاۋىپسىزدىك ەرەجەلەرى ساقتالادى.

«باستىسى سپورتتىڭ بۇل ءتۇرى كۇندەلىكتى كوشەدە ءجۇرىپ، قوعامدىق قاۋىپسىزدىكتى قورعايتىن ساربازدار ءۇشىن ءتيىمدى»، - دەيدى شارانى ۇيىمداستىرۋشىلار.

ەرلان بايىمبەتوۆ، «وڭتۇستىك» وڭىرلىك قولباسشىلىعىنىڭ دەنە شىنىقتىرۋ جانە سپورت ءبولىمىنىڭ باسشىسى:

- اسكەري قويان- قولتىق جارىسىندا جاتقان ادامدى ۇرۋعا بولسا دا، ونىڭ قاۋىپسىزدىك بەلبەۋلەرى دەنەسىن قورعايدى. باسىن دا قورعايدى. ءبىزدىڭ سولداتتار سپورتتىڭ بۇل تۇرىنە قاتىسىپ، جاتتىعىپ، بىرتىندەپ دامىپ كەلە جاتىر. بۇزاقىلاردى ۇستاعان كەزدە بۇل ءتاسىل وتە كەرەك دەپ ويلايمىن.

www.24.kz