ايگىلى يتاليالىق فۋتبولشى قازاقستان قۇراماسىن جاتتىقتىرۋى مۇمكىن
ازىرگە قازاقستان فۋتبول فەدەراتسياسىنىڭ باسشىلارى جاڭا باپكەردىڭ ەسىمىن ناۋرىز ايىنىڭ باسىندا جاريالاۋدى جوسپارلاپ وتىر. ۇمىتكەرلەردىڭ قاتارىندا 38 جاستاعى يتاليالىق مامان دجەننارو گاتتۋزو دا بار. بەلگىلىسى، ول قازاقستاننىڭ ۇسىنىسىمەن تانىسىپ، قازىر اگەنتى ماركو ترابۋككي ق ف ف- مەن كەلىسسوزدەر جۇرگىزىپ جاتقان كورىنەدى.
گاتتۋزو يتاليا فۋتبولىنداعى ەڭ تانىمال تۇلعالاردىڭ ءبىرى. سپورت سۇيەر قاۋىم ونى «ميلان» جانە يتاليا قۇراماسى ساپىنداعى جارتىلاي قورعاۋشى رەتىندە تانيدى. 2006-جىلى گاتتۋزو يتاليا قۇراماسىنىڭ ساپىندا الەم چەمپيونى اتانعان. ۇلتتىق قۇراما ءۇشىن ول 73 ويىن وتكىزىپ، تەك 1 عانا گول سوققان.
باپكەرلىك جۇمىستى گاتتۋزو شۆەيتساريالىق «سون» كلۋبىنان باستاعان. الايدا، كوماندا 11 ويىندا نەبارى 10 ۇپاي جيناعان سوڭ يتاليالىق مامان ءوز ەركىمەن قىزمەتىنەن كەتكەن بولاتىن. مۇنان كەيىن ول «پالەرمو»، وفي جانە «پيزا» فۋتبول كلۋبتارىنىڭ تىزگىنىن ۇستاپ كوردى. ەشقايسىسىن دا ورگە سۇيرەي العان جوق.
