جامبىل شىعارماشىلىعى ەلباسىنىڭ ماڭگىلىك ەل پاتريوتتىق يدەياسىمەن ۇندەس - گ. ءابدىحالىقوۆا
مادەني شاراعا قازاقستان رەسپۋبليكاسىنىڭ مەملەكەتتىك حاتشىسى گۇلشارا ءابدىقالىقوۆا قاتىستى.
ءوزىنىڭ قۇتتىقتاۋ سوزىندە گۇلشارا ءابدىقالىقوۆا جامبىل جابايەۆ پوەزياسىنىڭ قازاق حالقىنىڭ ومىرىمەن جانە تاريحىمەن ءوزارا تىعىز بايلانىسىپ جاتقانىن اتاپ ءوتىپ، ونىڭ شىعارمالارىنداعى نەگىزگى وي ورىمدەرى ەلباسى نۇرسۇلتان ءابىش ۇلى نازاربايەۆ ۇسىنعان «ماڭگىلىك ەل» جالپى ۇلتتىق پاتريوتتىق يدەياسىمەن ۇندەسەتىنىن ايتتى.
«ۇلتىمىزدىڭ ۇلى اقىنى، جىر ءدۇلدۇلى جامبىل جابايەۆ ءوز ءومىرى مەن ونەرىن ادامگەرشىلىك قۇندىلىقتاردى، مەيىرىمدى جىرعا قوسۋعا ارناعان. ونىڭ تۋىندىلارى الەمنىڭ 50 گە تارتا حالقىنىڭ تىلدەرىنە اۋدارىلدى. ونىڭ شىعارماشىلىعى تەك قازاق قانا ەمەس، الەم عالىمدارىنىڭ زەرتتەۋ نىسانىنا اينالدى. ەل تاريحىندا حالقىمىزدىڭ رۋحاني تۇعىرىن كوتەرۋدى مۇرات ەتكەن ەكى تۇلعا بار. ولاردىڭ ءبىرى اباي بولسا، ەكىنشىسى جامبىل جابايەۆ. قوس بايتەرەكتىڭ دە ولەڭدەرى وزەكتەس، تامىرلاس كەلەدى. ولاردىڭ ەكەۋى دە ەل ەڭسەسى بيىك بولسا دەگەن مۇراتىن جىرىنا ارقاۋ ەتتى. نۇرسۇلتان نازاربايەۆ ۇلى جامبىلدى «ادامدىق پەن ادامگەرشىلىكتىڭ، ىزگىلىكتىڭ الىپ جىرشىسى» دەگەن تاريحي باعاسىن بەردى. ەل بىرلىگىن ساقتاعان تاتۋلىقتى ايت دەپ جىرلاعان جامبىلدىڭ تۋىندىلارىنان بۇگىنگى بەيبىت تىرلىك پەن بەرەكەلى ءومىرىن كورگەندەي بولامىز. ەلباسى ۇسىنعان ماڭگىلىك ەل پاتريوتتىق يدەياسىمەن تامىرلاس»، - دەدى مەملەكەتتىك حاتشى گۇلشارا ءابدىحالىقوۆا.
سيمپوزيۋمعا قاتىسۋشىلار «تاريحتىڭ ماڭگىلىك تۇلعاسى»، «ەرلىك پوەزياسى: رەسەيدەن كوزقاراس»، «شوتا رۋستاۆەلي جامبىل پوەزياسىندا» جانە باسقا دا عىلىمي باياندامالار وقىدى.
الماتى وبلىسى اكىمىنىڭ وكىلى بيىل جىر الىبى جامبىلدىڭ 170 جىلدىعى اياسىندا اتقارىلاتىن ءىس-شارا تۋرالى بايانداپ ءوتتى.
سيمپوزيۋم جۇمىسىنا مەملەكەتتىك ورگاندار وكىلدەرى، رەسپۋبليكامىزدىڭ بەلگىلى فيلولوگ عالىمدارى، سونداي-اق رەسەي، گرۋزيا، قىرعىزستان ەلدەرىنىڭ زەرتتەۋشىلەرى، جالپى العاندا 700 گە جۋىق ادام قاتىستى.
اۆتور: گۇلميرا عوسمانالي
