استانادا اقسەلەۋ سەيدىمبەكتى ەسكە الۋعا ارنالعان كەش وتەدى

استانا. قازاقپارات - 24 - اقپاندا ق ر ۇلتتىق اكادەميالىق كىتاپحاناسىندا بەلگىلى عالىم، ەتنوگراف- جازۋشى اقسەلەۋ سەيدىمبەكتى ەسكە الۋعا ارنالعان «اقسەلەۋ الەمى» تاقىرىبىندا كەش وتەدى.

فيلولوگيا عىلىمدارىنىڭ دوكتورى، پروفەسسور، ق ر مەملەكەتتىك سىيلىعىنىڭ يەگەرى اقسەلەۋ سەيدىمبەك - قازاق ادەبيەتى مەن ونەرىن، مادەنيەتى مەن رۋحانياتىن دامىتۋعا ولشەۋسىز ۇلەس قوسىپ، ءتول تاريحىمىزعا جارقىن قولتاڭباسىن قالدىرعان كورنەكتى تۇلعا.

 كەشكە قاتىسۋشىلار اقسەلەۋ سەيدىمبەكتىڭ اسقار تالانتىنىڭ قىر- سىرىن اشىپ، قالامگەردىڭ ءومىر جولىنان ەستەلىكتەر ايتاتىن بولادى. سونداي- اق اقسەلەۋ سەيدىمبەكتىڭ باياندامالارىنىڭ بەينەجازباسى كورسەتىلىپ، اندەرى ورىندالادى. بۇدان بولەك، «اقسەلەۋ الەمى» تاقىرىبىنداعى كىتاپ كورمەسىندە عالىمنىڭ ەڭبەكتەرى ۇسىنىلادى.

كەشكە قوعام قايراتكەرلەرى مەن جازۋشى، عالىمدار جانە اقسەلەۋ سەيدىمبەكتىڭ جۇبايى مەن قىزدارى، جاقىن دوستارى قاتىسادى.