تۇركىستان قالاسىندا «ورتاعاسىرلىق» عيماراتتار بوي كوتەرەدى

استانا. قازاقپارات - تۇركىستان قالاسىنىڭ جاڭا كەلبەتىن قالىپتاستىرۋ جوسپارلانۋدا.

بۇل تۋرالى بۇگىن استانادا ورتالىق كوممۋنيكاتسيالار قىزمەتىندە وتكەن بريفينگتە وڭتۇستىك قازاقستان وبلىسىنىڭ اكىمى بەيبىت اتامقۇلوۆ ءمالىم ەتتى.

«قوجا احمەت ياسساۋي كەسەنەسى - ق ر مادەنيەت جانە سپورت مينيسترلىگىنىڭ قاراۋاندا تۇرعان تاريحي ەسكەرتكىش. ءبىز ول كەشەننىڭ ماڭىندا ورنالاسقان كوشەلەردى قايتا جاڭارتۋدى جوسپارلاپ وتىرمىز. ەسكى ۇيلەر سىرىلىپ، ولاردىڭ ورنىنا ورتاعاسىرلىق ستيلدەگى جاڭا عيماراتتار سالىنادى. بىزدە ساۋران سازىنان ماتەريالدار شىعاراتىن كاسىپورىن بار. ول جەرگە تۋريستەر دەمالاتىن كەرۋەن سارايى بوي كوتەرمەك. مادەنيەت ورتالىقتارى دا كوپتەپ سالىنادى. ول اۋماق قالانىڭ تاريحي كەلبەتىنە ساي اباتتاندىرىلادى. ۇلكەن جۇمىستار جاسالادى»، - دەپ اتاپ ءوتتى ب. اتامقۇلوۆ.

ونىڭ ايتۋىنشا، بىلتىر وڭتۇستىك قازاقستان وبلىسىنا 1 ميلليون تۋريست كەلگەن. ولاردىڭ دەنى ءوڭىردىڭ تاريحي قالالارى سانالاتىن وتىرار، تۇركىستان، ارىستانباب قالالارىنا كەلەتىن كورىنەدى.

اۆتور: جاسۇلان جولدىبايەۆ