ساۋساق تاڭباسى ءسىز جايلى ايتادى - تەست

استانا. قازاقپارات - ساۋساقتاعى ورنەكتەردى زەرتتەيتىن ارنايى عىلىم دەرماتوگليفيكا دەپ اتالادى.

بۇل عىلىم ارقىلى ساۋساقتاعى تاڭبا مەن مىنەز بايلانىسىن انىقتاۋعا بولادى. ءوزىڭىز جايلى قىزىقتى مالىمەتتەردى بىلگىڭىز كەلسە، تومەندەگى سۋرەتتەرگە كوز جۇگىرتىڭىز.

ىلمەك ءتارىزدى سۋرەت ەۋروپالىقتاردىڭ باسىم بولىگىنىڭ ساۋساعىندا بار. بۇل سۋرەت ادامنىڭ سالماقتى ءارى بايىپتى مىنەزدى ەكەنىن كورسەتەدى.

مۇنداي ادامدار دوسىنىڭ باسىنا سىن ساعات تۋعاندا بەي-جاي قاراي المايتىندار ساناتىندا. ولاردىڭ جاۋاپكەرشىلىگى بار، بارار جەرگە ەشقاشان كەشىكپەيدى، الايدا كوشباسشى قاسيەتى جوق.

مۇنداي ادامدار جاڭا مالىمەتتەردى ادامدارمەن ارالاسۋ ارقىلى الادى. ولاردىڭ ەموتسياسىن وقىپ قويۋ وڭاي، سەبەبى ولار اشىق ادام. دەنساۋلىقتارى دا جاقسى، ءتىپتى جاقسى دامىعان بولادى.

الايدا ولار بالا كەزدە كوپ اۋىراتىن بولعان. ىلمەك سۋرەتتى ادامداردىڭ مىنەز-قۇلقى -  سانگۆينيك. جالىقتىراتىن جانە جالعىز ىلىكتى جۇمىستان بەزەدى. ەگەر ىلمەك سۋرەت بارلىق ساۋساعىندا بولسا، بۇل ونىڭ قيالى اسا دامىعانىن، كەيدە ءتىپتى ءومىر شىندىعىنا جاناسپايتىن نارسەنى كوپ ويلايتىنىن كورسەتەدى. «قويداي قوڭىر، قوزىداي مومىن» دەگەن ماقال وسى ادامدار جايىندا ايتىلعان.

ساۋساعىندا وسىنداي سۋرەتى بار ادامداردىڭ ەنەرگياسى ءارقاشان تاسىپ تۇرادى، ولار وزىنە سەنىمدى. سەنىمدىلىك بار قاسيەتىنەن كورىنەدى: ەڭسەسىن تىك ۇستاۋى، ءجۇرىسى، ءتارتىبى، ىم-يشاراسى. ولاردى العان بەتىنەن قايتارۋ مۇمكىن ەمەس، قاتەلەسكەنىن دە مويىنداتۋ وڭايعا سوقپايدى، ولار ءار جاساعان شەشىمىن سوڭىنا دەيىن دۇرىس دەپ دالەلدەۋدەن شارشامايدى. ناقتى ويلاۋ جۇيەسى بار. قورشاعان كەڭىستىكتەگى وزگەرىستەرگە بەيىمدەلۋ ماسەلەسىندە مۇنداي ادامدار تىعىرىققا كوپ تىرەلەدى جانە اينالاسىنداعى ادامداردىڭ پىكىرىنە مويىنسىنۋدى بىلمەيدى. بار وي-ءورىسى قاراپايىم ارەكەتتەردەن تۋىنداپ وتىرادى. الايدا العا قويىلعان تاپسىرمانى ورىنداۋ ءۇشىن وزگە ادامداردىڭ كومەگىنە جۇگىنۋدى ادەتكە اينالدىرعان.

ساۋساق ىزىندە ءيىن سۋرەتى بار ادام - حولەريك. شىعارماشىلىقتى سۇيەدى. ىم-يشاراسى انىق، ارتىستىكىندەي بولادى. قيىن ساتتەردە ول كورىنگەن ىسپەن اينالىسا جونەلىپ، وسىلايشا ءوز نازارىن باسقاعا اۋدارۋعا بەيىم. قارىم-قاتىناستا ەرەكشە بيازىلىقتى سۋقانى سۇيمەيدى، دەگەنمەن وتە ادال دوس ءارى ەشقاشان ساتىپ كەتپەيدى.

ساۋساعىندا يرەك سىزىقتارى بار ادامدار اشۋشاڭ كەلەدى، قايتىمى تەز ادام. شىعارماشىلىق دارىنى بار، قابىلداۋى جاقسى، تەز ۇيرەنەدى جانە كەز كەلگەن وقيعانى ساراپتاپ وتىرادى. بىرنەشە ءىستى قاتار باستاپ، ورتا جولدا تاستاپ كەتەدى جانە قىزىعۋشىلىعى جوعالادى. پسيحيكاسى تەز قوزعىش، تۇراقسىز. كوڭىل-كۇيىن تاپ باسىپ ايتۋ قيىن، سەزىمى مەن ۋايىم-قايعىسىن ىشكە جاسىرادى. جالعىز بولۋعا جانە ءوز-وزىنە ەسەپ بەرۋگە قۇمار. كوپ جاعدايدا وزىنە كوڭىلى تولمايدى، كۇمانى كوپ ادام. نەگىزىندە سەزىم ىشكى ويدان تۋادى، ال مالىمەتتى جازباشا حاتتار دەرەكتەرىنەن الادى.

يرەك سىزىقتارى بار ادامنىڭ تەمپەرامەنتى - فلەگماتيك. سويلەگەن ءسوزى انىق ەمەس، جاي ءارى باياۋ شىعادى. سول نەمەسە وڭ قولىنداعى سۇق ساۋساقتا يرەك سىزىق بولسا، وندا مۇنداي ادام تۋا ءبىتتى ويشىل. باعدارلامالاۋعا، زاڭگەرلىك ىسكە جانە عىلىمي جۇمىستارعا بەيىمى بار.

جالپى قورىتىندى جاسايتىن بولساق، ساۋساعىندا يرەك سۋرەتى بار ادامداردىڭ مىنەزى اۋىر، قولىنان نە كەلەتىنىن بىلە بەرمەيتىن ادام.

bilim-all.kz