قازاق جازۋشىسى بەكسۇلتان نۇرجەكە ۇلىنىڭ كىتابى تۇرىك تىلىندە جارىق كوردى - فوتو
دەپ حابارلايدى ەلشىلىكتىڭ باسپا ءسوز قىزمەتىنەن.
ءىس- شاراعا قاتىسقانداردىڭ ىشىندە تۇركسوي، تۇركيا جازۋشىلار وداعى، ەۋرازيا جازۋشىلار وداعى، تۇركى دۇنيەسى ونەرپازدارى مەن جازۋشىلار قورى، تۇركيا عىلىم جانە ادەبيەت تۋىندىلارىنىڭ اۆتورلار قاۋىمداستىعى، الەم جازۋشىلارى مەن زيالىلارى قاۋىمداستىعى، تۇركى دۇنيەسىنىڭ ساۋلەتشىلەرى جانە قۇرىلىسشىلارى وداعى سىندى شىعارماشىلىق ورتالىقتار بولدى.
تۇرىك تىلىندە «Bir pişmanlık, bir ümit» (ءبىر وكىنىش، ءبىر ءۇمىت) اتىمەن جارىق كورگەن رومان قازاقستاننىڭ تۇركياداعى ەلشىلىگىنىڭ قولداۋىمەن باسىلىپ شىقتى.
ەۋرازيا جازۋشىلار وداعىنىڭ ءتوراعاسى ياكۋب وماروعلى ەكى ەلدىڭ مادەني- گۋمانيتارلىق بايلانىستارىن دامىتۋدا ب. نۇرجەكە ۇلى شىعارماسىنىڭ تۇرىك تىلىندە جاريالانۋىنىڭ ۇلكەن ۇلەس بولىپ قوسىلاتىندىعىن اتاپ ءوتتى.
«قازاقستاننىڭ تۇركياداعى ەلشىلىگىنىڭ باستاماسىمەن مادەنيەت جانە ادەبيەت سالاسى بويىنشا ءبىرقاتار جوبالار جۇزەگە اسۋدا. وسىلايشا، قازاق اقىندارى مەن جازۋشىلارى شىعارمالارىنىڭ تۇرىك تىلىنە اۋدارىلىپ جارىق كورۋى ەكى ەلدىڭ رۋحاني ىنتىماقتاستىعىن تەرەڭدەتۋدە ايتارلىقتاي ۇلەس قوسۋدا»، - دەپ، ياكۋب وماروعلى اتاپ ءوتتى.
سالتاناتتى راسىمگە اتسالىسقان تۋركسوي باس حاتشىسىنىڭ ورىنباسارى فىرات پۋرتاش، قازاق ادەبيەتىنىڭ تۇرىك تىلىنە اۋدارىلۋىنىڭ ەكى ەل حالىقتارىنىڭ مادەني- گۋمانيتارلىق كوزقاراستان ودان ءارى جاقىنداسۋىنا ىقپال ەتەتىنىن ايتتى.
«قازاق جازۋشىسى رومانىنىڭ باسىلىپ شىعارىلۋى تۇركىتىلدەس حالىقتارى كەڭىستىگىندەگى بايلانىستاردى نىعايتا وتىرىپ، مادەني ىقپالداستىعىنىڭ دامۋىنا اسەر ەتپەك»، - دەپ، ف. پۋرتاش اتاپ ءوتتى.
قازاقستاننىڭ تۇركياداعى ەلشىسى جانسەيىت تۇيمەبايەۆ قازاقستان مەن تۇركيا اراسىنداعى ەكىجاقتى مادەني بايلانىستارىنىڭ دامۋى مەن نىعايۋىنا سەپتىگىن تيگىزۋگە قىزىعۋشىلىق ءبىلدىردى.
ءىس- شارانىڭ اياعىندا ءسوز سويلەگەن ب. نۇرجەكە ۇلى ەلشىلىك پەن ەۋرازيا جازۋشىلارىنىڭ وداعىنا كىتاپتىڭ باسىلىپ شىعارىلۋىندا كورسەتكەن كومەگى ءۇشىن ريزاشىلىعىن بىلدىرە وتىرىپ، روماننىڭ تۇركيادا ءوز وقىرماندارىن تاباتىنىنا ۇمىتتەندى.
قازاق جازۋشىسى رومانىنىڭ تۇرىك تىلىندە باسىلىپ شىعارىلۋى تۇرىك وقىرماندارىن قازاقتىڭ ادەبي مۇراسىمەن تانىستىرادى جانە تۇركيانىڭ قوعامدىق- ساياسي جانە عىلىمي اكادەميالىق توپتارى اراسىندا ەلدىڭ حالىقارالىق يميدجىنە وڭ اسەرىن تيگىزەدى.
