ليللەحاممەر قىسقى وليمپياداسى: شورتترەكشى انيتا ناگاي قولا جۇلدەنى جەڭىپ الدى

استانا. قازاقپارات - باتىس قازاقستاندىق شورتترەكشى انيتا ناگاي نورۆەگيانىڭ ليللەحاممەر قالاسىندا ءوتىپ جاتقان جاسوسپىرىمدەردىڭ قىسقى وليمپياداسىندا ارالاس كوماندالىق جارىستا قولا جۇلدەنى ەنشىلەدى.

Vesti.kz سايتىنان الىنعان مالىمەتكە قاراعاندا، انيتا قۇرامىنا ودان باسقا كاترين مانويلوۆا (بولگاريا)، كارليس كرۋسبەرگ (لاتۆيا)، كازۋكي يوشيناگا (جاپونيا) كىرگەن «6 كوماندا» ساپىندا 4:17.181 مينۋت ۋاقىت كورسەتىپ، مارەگە ءۇشىنشى كەلدى. بۇل سىندا التىن مەدالدى «2 كوماندا» (نورۆەگيالىق انە باي فارشيادا، وڭتۇستىك كورەيالىق دجي يۋ كيم، بەلگيالىق ستەينا دەسمە جانە فرانسيالىق كۆەنتين فەركوك، 4:14.413 مينۋت)، كۇمىس جۇلدەنى «3 كوماندا» (ۆەنگريالىق پەترا يازاپاتي، اۆستراليالىق دجۋليا مۋر، گوللانديالىق تەرك دە بوەر، جاپونيالىق كيچي شيگەيرو، 4:14.495) جەڭىپ الدى.

ەسكە سالا كەتەيىك، بۇل - قازاقستاندىقتاردىڭ جاسوسپىرىمدەر وليمپياداسىنداعى ءتورتىنشى مەدالى. مۇنىڭ الدىندا بياتلونشى ارينا پانتوۆا مەن مانەرلەپ سىرعاناۋشى ەليزاۆەت تۇرسىنباۆا قولا، كونكيشى انۆار مۋحاماديەۆ كۇمىس جۇلدەنى يەلەنگەن بولاتىن.

اۆتور: ەلجان ەرالى