قازاقستان رەسەيگە ەت ەكسپورتىن ۇلعايتۋدى جوسپارلاۋدا
بۇل تۋرالى بۇگىن ق ر اۋىل شارۋاشىلىعى مينيسترلىگىنىڭ القا ماجىلىسىندە ق ر پرەمەر-ءمينيسترىنىڭ ءبىرىنشى ورىنباسارى باقىتجان ساعىنتايەۆ ءمالىم ەتتى.
«ەگەر رەسەيدىڭ كەدەندىك قىزمەتىنىڭ ستاتيستيكاسىن قارايتىن بولساق، 2015-جىلى سيىر، شوشقا جانە قۇس ەتى يمپورتى 2014-جىلمەن سالىستىرعاندا 40 پايىزعا ازايعان. ەكى ەسەگە دەيىن ءتۇستى دەگەن ءسوز. بىزدە سول جاعىمىزدا دا، وڭ جاعىمىزدا دا ۇلكەن كورشىلەرىمىز بار. ءبىز ولارعا جەتپەي قالعان يمپورتتىڭ ءبىر بولىگىن بەرە الامىز. مۇندا ماسەلە ەت ەكسپوتىنا قاتىستى - ءبىز وسى باعىت بويىنشا كوپ تالقىلاۋلار جۇرگىزدىك. 2016-جىلى ءبىز بۇنى ورىنداي الامىز با، المايمىز با، ماسەلە وندا ەمەس، ماسەلە - ءبىز ءوزىمىزدى ارى قاراي قالاي كورسەتەتىندىگىمىزدە»، - دەدى ب. ساعىنتايەۆ، ر ف- تەگى سانكتسيالاردى پايدالانۋ قاجەتتىگىنە مەڭزەپ.
ۆيتسە-پرەمەردىڭ پىكىرىنشە، ەت وندىرىسىندەگى جوعارى الەۋەتتى ەكسپورتقا پايدالانا وتىرىپ، جاڭا ماقساتتار قويا ءبىلۋ قاجەت. قازاقستاندىق ەكسپورتتاۋشىلار جاڭا نارىقتاردى جاۋلاي باستادى، ارى قاراي دامۋعا دا نەگىز بار، سوندىقتان ەكسپورتتىڭ باعىتتارىن انىقتاۋ كەرەك.
اۆتور: جاسۇلان جولدىبايەۆ
