قازاقستاندا ينۆەستيتسيالىق ساياسات كەڭ اۋقىمدا جۇرگىزىلە باستايدى - ءا. يسەكەشەۆ
«ءبىز ينۆەستيتسيالىق ساياساتتىڭ اۋقىمىن كەڭەيتە تۇسەمىز. بۇل رەتتە ەلباسى جاڭا ەكونوميكالىق ساياسات اياسىندا بيۋدجەتتىك ينۆەستيتسيالاردان مەيلىنشە باس تارتا وتىرىپ، جەكە ينۆەستيتسيالاردى بارىنشا تارتۋدى جۇكتەگەن بولاتىن. بۇندا نەگىزگى ماسەلە مەملەكەتتىك-جەكەشەلىك ارىپتەستىك پەن شەتەلدىك ينۆەستورلار تۋرالى بولىپ وتىر. سوندىقتان دا، بىلتىرعى جىل بويى قابىلدانعان «100 قادام» ۇلت جوسپارىنىڭ باسىم بولىگى وسى باعىتقا نەگىزدەلەدى. وسىعان بايلانىستى كونتسەسسيالار تۋرالى، مەملەكەتتىك-جەكەشەلىك تۋرالى، اۋىل شارۋاشىلىعى تۋرالى جاڭا زاڭنامالاردىڭ قابىلدانعانى اتاۋعا بولادى»، - دەدى كەزدەسۋدە اسەت يسەكەشەۆ.
ونىڭ ايتۋىنشا، ەندىگى كۇنى ينۆەستيتسيالار تارتۋدا تەك وڭدەۋشى سالاعا عانا ەمەس، باسقا سالالارعا دا باسىمدىقتار قاراستىرىلادى. ولاردىڭ اراسىندا اۋىل شارۋاشىلىعى، تۋريزم، دەنساۋلىق ساقتاۋ، ءبىلىم بەرۋ، مۋنيتسيپالدى ينفراقۇرىلىم سەكىلدى باعىتتار بار.
«وسىعان بايلانىستى بۇگىنگى كۇنى جەكەشەلەندىرۋ باعدارلاماسىنىڭ ءوزى ءىرى كومپانيالاردى عانا ەمەس، جەرگىلىكتى نىسانداردى دا قامتىپ وتىر. بۇدان بولەك، جەر قاتىناستارى، ءبىلىم بەرۋ جانە اۋىل شارۋاشىلىعى سەكىلدى سالالارداعى زاڭنامالىق وزگەرىستەر ينۆەستورلار ءۇشىن تارتىمدىلىقتى ارتتىرا تۇسپەك»، - دەدى مينيستر.
