جامبىل وبلىسىندا تۋريزم سالاسى جاندانىپ كەلەدى

استانا. قازاقپارات - جامبىل وبلىسىندا تۋريزمدى دامىتۋعا جاقسى العىشارتتار بار. وبلىس «جىبەك جولىنىڭ تاريحي ورتالىقتارىن جاڭعىرتۋ، تۇركى تىلدى مەملەكەتتەردىڭ مادەني مۇراسىن ساقتاۋ جانە ساباقتاستىرۋ، دامىتۋ، تۋريزم ينفراقۇرىلىمىن قۇرۋ» مەملەكەتتىك باعدارلاماسىنا ىلىككەن، وبلىستىڭ ىشكى جانە حالىقارالىق تۋريزمنىڭ دامۋى ءۇشىن ۇلكەن مۇمكىندىكتەرى بار،

 دەپ حابارلايدى جامبىل وبلىسى اكىمدىگىنىڭ باسپا ءسوز قىزمەتى.

وسى ايماق ارقىلى ۇلى جىبەك جولىنىڭ بولىگى (سايرام كەنتى - تاراز - اقشولاق- اقىرتوبە ستانسياسى - قۇلان - مەركى - شۋ - اسپارا - قورداي) وتەدى، جول بويىندا تاريحي جانە مادەني قىزىقتى ەسكەرتكىشتەر ورنالاسقان. جىبەك جولى بويىنداعى 5 ەسكەرتكىش يۋنەسكو- نىڭ دۇنيەجۇزىلىك مادەني مۇرا تىزىمىنە ەنگىزىلدى. (شۋ اۋدانىنداعى اقتوبە قالاشىعى، ت. رىسقۇلوۆ اۋدانىنداعى ورنەك، قۇلان قالاشىقتارى، بايزاق اۋدانىنداعى قوستوبە قالاشىعى جانە جامبىل اۋدانىنداعى اقىرتاس كەشەنى).

قازىرگى كەزەڭدە ايماقتىق تۋريزم دامۋىنىڭ نەگىزگى ارتىقشىلىعى «ەجەلگى تاراز» جوباسى بولىپ تابىلادى.

جوبا تاراز قالاسىنىڭ ورتالىق بولىگىندە كولەمى شامامەن 20 گ ا جەردە ورنالاسىپ، ارحەولوگيالىق جانە تۋريستىك پاركتەردەن تۇراتىن بولادى. نىسانداردىڭ ءبىرتۇتاس ءانسامبلىن ەجەلگى شىعىس ستيلىندە (ەجەلگى وركەنيەت قازبا جۇمىستارىنا قاتىسۋ، تابىلعان ارتەفاكتىلەر مۇراجايى، شىعىس بازارلارى جانە شەبەرلەر قالاسى، قوناق ۇيلەر، ساۋدا ورتالىقتارى جانە ت. ب. ) قۇرۋ جوسپارلانعان.

بۇگىنگى كۇنى جامبىل وبلىسىندا 42 تۋريستىك فيرما، 1 كيىز ءۇي قالاشىعى، 1 ساۋىقتاندىرۋ كەشەنى، 5 دەمالىس ورتالىعى، 10 بالالار ساۋىقتاندىرۋ لاگەرلەرى، بىرەگەي شيپالى بالشىق جانە مينەرالدى سۋلارى بار 5 شيپاجاي، ساۋىقتاندىراتىن ورىندار جۇمىس ىستەيدى.

جامبىل وبلىسى بويىنشا تۋريستىك مارشرۋتتار ازىرلەنۋدە.

اتاپ ايتقاندا، «TARAZ TRAVEL» تۋريستىك كومپانياسى «كونە تاراز مارجاندارى»، «اقىرتاس جۇمباقتارى»، «اسپان استى جولدارى»، «اقسۋ جاباعالى» مۇراجاي- قورىعىنا ەكسكۋرسيالار جانە «ۇلى جىبەك جولى» تۋر مارشرۋتتارىن ۇيىمداستىرماق.

«زولوتوي كاراۆان» تۋريستىك ورتالىعىنىڭ تۋر مارشرۋتتارى: «كونە تاراز بۇگىندە»، «ارحيتەكتورلىق ەسكەرتكىشتەر»، «اقىرتاس جۇمباقتارى»، «قارلى شىڭداردان قۇمدى جوتالارعا دەيىن». «تاراز دامۋ» تۋريستىك فيرماسىنىڭ «كوكساي» قازاق اۋىلى اتتى مارشرۋتى بار.

جامبىل وبلىسىندا ينفراقۇرىلىم جوبالارى جۇزەگە اسىرىلۋدا، مىسالى حالىقارالىق كولىك ماگيسترالى تەلىمىندە «باتىس ەۋروپا - باتىس قىتاي» جوباسى.

وبلىس بويىنشا «باتىس ەۋروپا- باتىس قىتاي» حالىقارالىق كولىك ءدالىزى بويىندا ءبىرقاتار جول بويىنداعى سەرۆيس كەشەندەرى ايقىندالعان، ونىڭ 1 كەشەنىنىڭ قۇرىلىسى اياقتالعان.

 قازىرگى دۇنيەجۇزىلىك ەكونوميكانىڭ دامۋ جاعدايىندا تۋريزم جەتەكشى جانە ديناميكالىق دامۋشى سالالاردىڭ ءبىرى بولىپ تابىلادى. دۇنيەجۇزىلىك تۋريستىك ۇيىم مالىمەتتەرىنە سايكەس، دۇنيەجۇزى ەكسپورتى بويىنشا اۆتوكولىكتەر، حيميا ونىمدەرى جانە جانار- جاعارماي ەكسپورتىنان كەيىن، تۋريزم ءتورتىنشى ورىندا تۇر.