14:43, 16 - اقپان 2016 | GMT +5
مەملەكەت باسشىسى الماتىنىڭ اباتتاندىرىلماعان اۋداندارىنا كوڭىل اۋدارۋعا شاقىردى
الماتى. قازاقپارات - ق ر پرەزيدەنتى نۇرسۇلتان نازاربايەۆ الماتىدا ءوتىپ جاتقان 28-دۇنيەجۇزىلىك قىسقى ۋنيۆەرسياداعا دايىندىق پەن قالانىڭ دامۋى ماسەلەلەرىنە قاتىستى كەڭەس بارىسىندا قالانىڭ دامۋىنا قاتىستى بىرنەشە ماسەلەنى تىلگە تيەك ەتتى.
اتاپ ايتقاندا، مەملەكەت باسشىسى حالىقتىڭ تۇرعىن ءۇي-كوممۋنالدىق جاعدايىن جاقسارتۋعا اسا ءمان بەرۋدى تاپسىردى.
«باستىقتار جۇرەتىن جولدى جوندەي بەرۋدىڭ قاجەتى جوق. قالانىڭ ورتاسىندا ءبارى جاسالعان. سوندا دا اسفالت توسەيسىڭدەر. ودان دا اقشانى دامۋى كەشەۋىلدەپ قالعان اۋداندارعا سالۋ كەرەك. كۆارتالداردى تازالاۋ، سپورتتىق نىسانداردى جوندەۋ، ارىق جۇيەسىن، سۋبۇرقاقتاردى جاڭعىرتۋ كەرەك. ءار تۇرعىن ءوزىنىڭ مەملەكەت قامقورلىعىندا ەكەنىن ءبىلۋى كەرەك»، - دەدى ن. نازاربايەۆ.
مەملەكەت باسشىسى سونداي-اق، قارجىنى حالىقتى كوگىلدىر وتىنمەن قامتۋعا، مەكتەپ، اۋرۋحانا، بالاباقشالاردىڭ احۋالىن باقىلاۋعا جۇمساۋ كەرەكتىگىن ايتتى.
اۆتور: گۇلميرا عوسمانالي
