وزدەرىن كارى سانايتىن ادامدار اۋرۋحاناعا ءجيى تۇسەدى

استانا. قازاقپارات - ءوز زامانداسىنان ءوزىن كارى سانايتىن ادامدار ءجيى اۋرۋحاناعا تۇسەدى، دەپ ءمالىم ەتتى كانادالىق عالىمدار.

ولار 24-102 جاس ارالىعىنداعى 10 مىڭنان استام ادامنىڭ دەرەكتەرىن تالداعان.

زەرتتەۋشىلەر ولار وزدەرىن قانشالىقتى جاس سەزىنگەنىن سۇرادى. بۇدان باسقا، ەرىكتىلەر ەرتە پايدا بولعان اۋرۋلارى (سۋسامىر، وبىر، جۇرەك اۋرۋى، وستەوپوروز جانە ارتريت) جايلى مالىمدەدى. بۇل رەتتە ەكسپەريمەنت قاتىسۋشىلارى ساۋالناما تولتىردى. ول كۇيزەلىس دەڭگەيىن ايقىنداۋعا جاردەمدەسۋى ءتيىس.

ءوزىن ءوز جاسىنان كارى سەزىنەتىندەردىڭ 10 جىل ىشىندە اۋرۋحاناعا جاتۋى 10-25 پايىزعا جوعارى بولعان. قاتىسۋشىلاردا كۇيزەلىس بەلگىلەرىنىڭ بولۋى مەن دەنساۋلىقتارىنىڭ السىزدىگى ماماندارعا وسىلاي سەزىنۋ مەن اۋرۋحاناعا جاتۋ اراسىنداعى بايلانىستى تۇسىندىرۋگە جاردەمدەستى. زەرتتەۋشىلەردىڭ پىكىرىنشە، كۇيزەلىس پەن اۋرۋحاناعا ءتۇسۋ تاۋەكەلىن فيزيكالىق بەلسەندىلىك تومەندەتەدى دەپ حابارلادى روسبالت.