تارازدا ەتنو-اۋىل پايدا بولادى

تاراز. قازاقپارات - جامبىل وبلىسىنداعى ««ەتنوگرافيالىق اۋىل» ەلىمىز بويىنشا شىعىس قازاقستان وبلىسىنان كەيىنگى ەكنشىسى بولادى.

بۇل تۋرالى و ك ق- تەگى «ۇلكەن ەل-ۇلكەن وتباسى» جالپى ۇلتتىق جوباسىن جۇزەگە اسىرۋ ماسەلەلەرىنە ارنالعان بريفينگتە جامبىل وبلىسى قازاقستان حالقى اسسامبلەياسى حاتشىلىعىنىڭ مەڭگەرۋشىسى لاريسا لىسوۆا ءمالىم ەتتى.

مەملەكەت باسشىسىنىڭ تاپسىرماسى بويىنشا ىسكە اسىرىلىپ جاتقان «ۇلكەن ەل-ۇلكەن وتباسى» جوباسىندا ەل ايماقتارىندا ەتنو-اۋىل قۇرۋعا» ايرىقشا ءمان بەرىلگەن»، - دەدى ل. لىسوۆا. «بارشا الەمدە قازىر بۇل تۋريزمدى دامىتۋداعى ەڭ تانىمال باعىت. وكىنىشكە وراي، بۇگىنگى تاڭدا قازاقستاندا تەك وسكەمەندە عانا بارشا قازاقستاندىق مادەنيەتتى ىلگەرى جىلجىتۋ جانە تۋريستەردى تارتۋ ءۇشىن ەتنو-اۋىل قۇرىلعان.

ال جامبىل وبلىسىندا وسىدان ەكى جىل بۇرىن وبلىس اكىمى كارىم كوكىرەكبايەۆتىڭ تىكەلەي قاتىسۋىمەن ەتنو-اۋىلدى قۇرۋ ماسەلەسى شەشىلە باستادى»، دەدى ول.

«جوبا بويىنشا «كونە تاراز» تاريحي-ارحەلوگيالىق كەشەنى اۋماعىندا وڭىرلىك ەتنومادەني بىرلەستىكتەردىڭ قاتىسۋىمەن ەنتو-اۋىل قۇرۋ قاراستىرىلىپ وتىر. بۇگىنگى كۇنى 16 بىرلەستىك اتالعان جوبانى جۇزەگە اسىرۋعا كەلىستى. ءبىزدىڭ ويىمىزشا، بۇل قالامىزعا تۋريستەر تارتۋعا مۇمكىندىك تۋعىزادى»، دەپ اتاپ ءوتتى جامبىل وبلىسى ق ح ا حاتشىلىعىنىڭ مەڭگەرۋشىسى.