بيىل قازاقستان العاش رەت العىس ايتۋ كۇنى اتالىپ وتىلەدى
پرەزيدەنت جارلىعىمەن بيىل العاش رەت تويلاناتىن مەرەكەنى ۇيىمداستىرىپ وتكىزۋ تۋرالى الماتىدا وتكەن رەسپۋبليكالىق ەتنو-مادەني بىرلەستىكتەر باسشىلارى كەڭەسىندە تالقىلاندى. العىس ايتۋ كۇنى - بۇل ەڭ الدىمەن ەلىمىزدە تىنىشتىق پەن ءوزارا سەنىمدىلىك، بارلىق قازاقستاندىقتاردىڭ ءبىر-بىرىنە دەگەن قۇرمەتتىڭ ورنىعۋىنا نەگىز بولاتىن يدەيا.
مەرەكە بىرنەشە باعىتتى قامتيدى. حالقىمىزدىڭ «اسار»، «جىلۋ»، «ءسۇيىنشى» جانە تاعى دا باسقا داستۇرلەرى بويىنشا جان-جاقتى شارالار ۇيىمداستىرىلادى. سونداي-اق ءتۇرلى قايىرىمدىلىق جيىندارى كورمەلەر، كەزدەسۋلەر وتكىزۋ كوزدەلىپ وتىر.
ەرالى توعجانوۆ، ق ح ا ءتوراعاسىنىڭ ورىنباسارى:
- بۇل مەرەكە - تەك قازاق حالقىنا العىس ايتۋ، ءتۇرلى ەتنوستاردىڭ ءوزارا سىيلاستىعى عانا ەمەس، بۇل ءارقايسىسىمىزدىڭ ءبىر-بىرىمىزگە دەگەن قۇرمەتىمىز، وتباسىنداعى تۇسىنىستىك، جاس ۇرپاقتىڭ اتا-انالارىنا، ۇلكەنگە دەگەن قۇرمەتى، ياعني بۇل - ءبىر شاڭىراق استىندا ءومىر ءسۇرىپ كەلە جاتقان بارشا ادامداردى جاقىنداستىرۋعا باعىتتالعان مەرەكە. كوپتەگەن ۇلت وكىلى بىرلىكتە، تاتۋلىقتا كۇن كەشىپ جاتقان ءبىزدىڭ مەملەكەت ءۇشىن بۇل اسىرەسە ماڭىزدى كۇن بولادى دەپ ەسەپتەيمىز.
