قازاقستاندا شەتەل ۆاليۋتاسى نارىعىنداعى احۋال تۇراقتى - ق ر ۇ ب

استانا. قازاقپارات - قازاقستاندا شەتەل ۆاليۋتاسى نارىعىنداعى احۋال تۇراقتى. بۇگىن ۇكىمەتتىڭ سەلەكتورلىق رەجىمدەگى وتىرىسىندا ۇلتتىق بانك ءتوراعاسى دانيار اقىشيەۆ وسىلاي دەدى.

«قازىرگى ۋاقىتتا قولما-قول شەتەل ۆاليۋتاسى نارىعىنداعى احۋال تۇراقتى. كوپ جاعدايدا بۇل قابىلدانعان شارالاردىڭ ارقاسىندا ورىن الۋدا»، - دەگەن ول ۆاليۋتا نارىعىنداعى سۇرانىس مەن ۇسىنىستىڭ تەڭگەرىمدى بولۋى ماڭىزدى ماسەلە ەكەندىگىن اتاپ ءوتتى.

ونىڭ اتاپ وتۋىنشە، تولەم بالانستارىنا جۇرگىزىلگەن باعالاۋ ۆاليۋتا وپەراتسيالارىنىڭ ەسەپكە تولىق الىنباۋى سالدارىنان جىبەرىلگەن قاتەلىكتەردى كورسەتىپ بەرگەن.

«سوندىقتان دا بىزدەردە ەكسپورتتان ۆاليۋتالىق ءتۇسىمنىڭ قانداي كولەمى قازاقستانعا قايتارىلىپ، قانداي كولەمى شەتەلدىك بانكتەردى4 ەسەپشوتتارىندا قالىپ قوياتىندىعى جايىندا ايقىندىق بولۋى كەرەك. ول ءۇشىن سىرتقى ەكونوميكالىق وپەراتسيالارعا جانە كاسىپورىنداردىڭ قىزمەتى تالاپ ەتپەگەن جاعدايدا ساتىپ الاتىن ۆاليۋتاسىنا تىڭعىلىقتى مونيتورينگ جۇرگىزۋ قاجەت. ۇلتتىق بانك ءتيىستى شارالار قابىلداۋعا دايىن»، - دەدى د. اقىشيەۆ.

اۆتور: مارلان جيەمباي