عالامداعى ەڭ ۇلكەن قارا قۇردىم تابىلدى

استانا. قازاقپارات -  «حاببل» تەلەسكوپى الەمدەگى ەڭ ۇلكەن قارا قۇردىمدى تاپتى، - دەپ حابارلايدى «ۆەستي. Ru«. جاڭا نىساننىڭ انىقتالعانى تۋرالى اقپاراتتى ەۋروپا عارىش اگەنتتىگى جاريالادى.

 گراۆيتاتسيالىق انوماليا جەردەن 300 ميلليون جىل قاشىقتىقتا ورنالاسقان. قارا قۇردىم كۇننەن 21 ميلليارد ەسە اۋىر.

عالىمدار بۇل نىساننىڭ بار ەكەنىن بولجاعانمەن، بۇعان دەيىن انىقتاي الماي كەلگەن ەدى. مامانداردىڭ ايتۋىنشا، ەڭ ءىرى قارا تەسىك ازىرشە «ۇيقىدا جاتىر»، سوندىقتان دا ول كورشىلەس نىسانداردى ازىرشە جۇتىپ المايدى. ونىڭ اينالاسىندا جۇلدىزدار قازىر ەمىن- ەركىن ءجۇر. دەگەنمەن ول كەز كەلگەن ۋاقىتتا «ويانۋى» مۇمكىن.

بۇعان دەيىن عالىمدار گراۆيتاتسيالىق تولقىننىڭ تىركەلگەنىن حابارلاعان ەدى. ول ەكى قارا تەسىكتىڭ سوقتىعىسۋىنان پايدا بولادى. بۇل قۇبىلىس الەمدە قارا تەسىكتىڭ بار ەكەنىن دالەلدەيدى. ايتا كەتەيىك، گراۆيتاتسيالىق تولقىننىڭ بار ەكەنىن ەينشتەين بولجاپ كەتكەن.

Kaz.tengrinews.kz