ءۇندىستان الەمدەگى ەڭ جەڭىل تاپانشانى شىعاردى

استانا. قازاقپارات - ءۇندىستاندىق وندىرۋشىلەر الەمدەگى ەڭ جەڭىل تاپانشانى شىعارعانىن جاريالادى. BBC حابارلاعانداي، 22 كاليبرلى Nidar ريەۆولۆەرىنىڭ سالماعى 250 گرامم عانا، ال قۇنى $513.

بۇل ءۇندىستاندىق قارۋ جاساۋشىلار شىعارعان ايەلدەرگە ارنالعان Nirbheek قارۋىنان ەكى ەسە جەڭىل.

 قارۋ اليۋميني قۇيماسىنان جاسالدى، بەرىكتىگى بولاتتان جاسالعانداي، الايدا سالماعى الدەقايدا جەڭىل. ريەۆولۆەر بارابانىنىڭ ديامەترى - 40 م م، قارۋ ۇزىندىعى -14 سانتيمەتر عانا.

ريەۆولۆەردى مەملەكەتتىك كاسىپورىنداردا شىعارادى.

قارۋ ازاماتتاردىڭ ءوزىن- ءوزى قورعاۋىنا ارناپ شىعارىلدى. دەگەنمەن ءۇندىستان زاڭىنا سايكەس، كوپتەگەن قوعامدىق ورىنداردا قارۋ الىپ جۇرۋگە تىيىم سالىنعان، دەپ اتاپ ءوتتى BBC. Nidar كونسترۋكتورلارى بيىل 10 مىڭ قارۋ ساتۋعا ۇمىتتەنىپ وتىر.