ىستامبۇلدىڭ ورتالىعىندا بەس قاباتتى عيمارات وپىرىلىپ ءتۇستى

استانا. قازاقپارات - ىستامبۇل قالاسىنىڭ ورتالىعىندا بەس قاباتتى عيمارات وپىرىلىپ ءتۇستى. ونىڭ ىشىندە ادامدار بولۋى مۇمكىن، دەپ حابارلايدى BBC.

«حابەرتۇرىك» تەلەارناسى، الدىن الا مالىمەتتەر بويىنشا، ەشكىم زارداپ شەكپەگەنىن حابارلاپ وتىر.

عيمارات ىستامبۇلداعى ەڭ تانىمال جاياۋ جۇرگىنشىلەر كوشەلەرىنىڭ ءبىرى - يستيكليال كوشەسىنە جاقىن ورنالاسقان.

يستيكليال ورتالىقتاعى تاكسيم الاڭىنان باستالىپ، التىن ءمۇيىز شىعاناعىنا قاراي سوزىلىپ جاتىر.

قۇرىلىستىڭ ءبىرىنشى قاباتىندا ءدامحانا ورنالاسقان، ءبىراق عيمارات قۇلاعان كەزدە ونىڭ ىشىندە ادامداردىڭ بولعان-بولماعانى ازىرگە بەلگىسىز بولىپ وتىر.

كەيبىر مالىمەتتەر بويىنشا، مەكەمەنىڭ يەسى عيماراتتىڭ وپىرىلىپ قۇلايىن دەپ تۇرعانىن سەزىپ، دالاعا شىعىپ ۇلگەرگەن.

وقيعا ورنىندا ءورت سوندىرۋشىلەر مەن قۇتقارۋشىلار جۇمىس ىستەپ جاتىر، دەپ حابارلادى Hurriyet گازەتى.