مەملەكەتتىك قىزمەتكەر التى جىل جۇمىسقا كەلمەگەن
حواكين گارسيانىڭ جۇمىستا جوقتىعى ونىڭ 20 جىلدىق قىزمەتى ءۇشىن سىياقى بەرۋ كەزىندە عانا بايقالعان.
ەلدىڭ وڭتۇستىك-شىعىسىنداعى كاديس قالاسىندا جەرگىلىكتى بيلىكتىڭ قاراۋىندا بولعان سۋمەن جابدىقتاۋ كومپانياسى گارسياعا جىلىنا 30 مىڭنان استام دوللار تولەگەن.
سوتتا كومپانيانىڭ باستىعى ءوزىنىڭ كەڭسەسىنىڭ گارسيانىڭ كابينەتىنە قاراما-قارسى ورنالاسقاندىعىمەن، ونى بىرنەشە جىل كورمەگەنى بەلگىلى بولدى.
سۋمەن جابدىقتاۋ بويىنشا كومپانيا ونىڭ جۇمىسىن جەرگىلىكتى بيلىك باقىلاپ وتىر دەپ ساناسا، ءوز كەزەگىندە بيلىك مەملەكەتتىك قىزمەتكەردىڭ جۇمىسىن كومپانيا باقىلاپ وتىر دەپ ەسەپتەگەن.
گارسيانىڭ ءوزى تاعىلعان ايىپتاردى جوققا شىعارىپ، جۇمىسقا كۇن سايىن كەلگەنىن، ءبىراق وندا ىستەيتىن جۇمىس بولماعانىن ايتىپ وتىر، دەپ جازادى Independent. سوندىقتان ول نەگىزىنەن سپينوزانىڭ فيلوسوفياسىن وقۋعا ۋاقىتىن جۇمساعان.
اقىرى، سوت بيلىككە جاقتاسىپ، گارسياعا ونىڭ ءبىر جىلدىق جالاقىسىمەن قۇنى تەڭ ايىپپۇل سالدى.
