ەندى كەڭىستىكتى ەستۋگە مۇمكىندىگىمىز بار

استانا. قازاقپارات - تاڭعالارلىق قۇبىلىس عارىشتاعى ەكى قارا قۇردىمنىڭ سوقتىعىسۋىنان تۋىنداعان دەگەن پىكىر بار. «بۇل عارىشتى زەرتتەۋدىڭ ەندىگى ءبىر بەلەسىنە قول جەتكىزۋ»، -  دەيدى ماماندار.

 بىزدەن 1,3 ميلليارد جارىق جىلىنا تەڭ قاشىقتىقتا ورنالاسقان قۇبىلىستى الىپ لازەرلىك قۇرىلعى كومەگىمەن انىقتاعان. زەرتتەۋلەر امەريكانىڭ لۋيزيانا شاتتىندا جۇزەگە اسىرىلىپتى.

 ءبىر قىزىعى گراۆيتاتسيالىق تولقىنداردىڭ بار ەكەنىنە قاتىستى تەوريانى ايگىلى ەينشتەين ايتقان. ونى 1916 -جىلى ءوزىنىڭ سالىستىرمالى تەورياسىنداعى تارتىلىس كۇشىنىڭ مىندەتتى بولىگى رەتىندە اتاپ وتكەن. عالىمدار: «جاڭالىق قارا قۇردىم مەن نەيتروندى جۇلدىزدار سىندى قۇپيا- سىرى مول تابيعي قۇبىلىستاردى زەرتتەۋگە مۇمكىندىك بەرەدى»، -  دەيدى. ەندى عالامنىڭ ەرەكشەلىكتەرىنە كوز جەتكىزۋ ءۇشىن تاعى ءبىر ءتاسىل تابىلعان كورىنەدى.

دەۆيد رەيتس، كاليفورنيالىق تەحنولوگيا ينستيتۋتىنىڭ فيزيگى - ءبىز گراۆيتاتسيالىق تولقىنداردى انىقتادىق. بۇرىن ءبىز تەك ۋاقىت پەن كەڭىستىكتى كورسەك، ەندى عارىشتاعى جازىقتىققا كوز جەتكىزگەندەيمىز. كەڭىستىكتى ەستۋگە مۇمكىندىگىمىز بار.

www.khabar.kz