سۋدا ءجۇزۋ ادام اعزاسىن قارتايۋدان ساقتايدى
اكۆا جاتتىعۋلار ارتىق سالماقتاعى جانە تىرەك- قوزعالتقىش اپپاراتتارىنىڭ اقاۋى بار ادامدار ءۇشىن ءتيىمدى.
سۋدا جەردىڭ تارتىلىس كۇشى ازايىپ، بۋىنداردىڭ جۇكتەمەسى ازايادى. باسسەين قارت ادامدار ءۇشىن دە كەرەمەت ورىن سانالادى. بۇل تاڭ قالاتىن جاعداي ەمەس. ەگەر سۋعا بەلگە دەيىن تۇسەر بولساڭىز تىرەك- قوزعالتقىش اپپاراتىنىڭ جۇكتەمەسى ەكى ەسەگە ازايادى.
ەگەر سۋدا بويلاساڭىز، وعان قاراپايىم جۇكتەمەنىڭ تورتتەن ءبىرى عانا سارپ ەتىلەدى. ال دەنەڭىز تولىقتاي سۋعا ەنسە، 10 پايىزدىق جۇكتەمەمەن عانا ارپالىسۋعا تۋرا كەلەدى. جابىق باسسەيندەر سونداي- اق، دەمىكپە اۋرۋىنا شالدىققان ناۋقاستار ءۇشىن ماڭىزدى. جىلى ءارى ىلعالدى اۋا وكپەنىڭ جۇمىسىن جاقسارتادى. ءتىپتى، كاسىپقوي سپورتشىلار العان جاراقاتتارىنان كەيىن قايتا قالپىنا كەلۋ ءۇشىن باسسەيندە جاتتىعادى.
سۋ بۇلشىق ەتتەردىڭ اۋىرۋىن ازايتىپ، بۋىنداردىڭ قوزعالىسىن ارتتىرادى. ادام نەعۇرلىم سۋدا كوپ ۋاقىتىن وتكىزسە، سوعۇرلىم ونىڭ اعزاسىنا اسەرى دە ارتادى. سوندىقتان، جاتتىعۋلاردى ءار ءتۇرلى مۇقتاجدىققا قولدانۋعا بولادى.
2004 -جىلى ينديانا ۋنيۆەرسيتەتى زەرتتەۋ جۇمىستارىن جۇرگىزىپ، كوپ ۋاقىتتان بەرى اپتاسىنا ءتورت رەت باسسەيندە ءجۇزىپ كەلگەن 40 جاستان اسقان جۇزگىشتەردىڭ قارتايۋ بەلگىلەرىنىڭ ازايعاندىعىن دالەلدەدى.
بۇعان قوسا ارداگەر جۇزگىشتەردىڭ قان قىسىمدارى مەن قان قۇرامىنداعى حولەستەرين مولشەرى قالىپتى جاعدايدا بولعان. ءبىر قىزىعى، وكپەلەرىنىڭ جۇمىسى جاقسارىپ، باسقا قاراپايىم ادامدارمەن سالىستىرعاندا بۇلشىقەت كولەمىنىڭ وسكەندىگىن بايقاعان.
ەگەر باسسەيندەگى سۋ حلورمەن تازالاناتىن بولسا، ال ونىڭ كەرى اسەرى اۋانى لاستاپ، وكپەگە زيانىن تيگىزەدى. ەل ەگەر ءسىز اللەرگيالىق رەاكتسياعا دۋشار بولساڭىز، حلور ءسىزدىڭ تەرىڭىز بەن كوزىڭىزدىڭ تىتىركەندىرەدى.
باسسەيندەگى سۋدى تازارتۋ ءۇشىن كوپتەگەن قاۋىپسىز، ءيىسسىز، ءدامسىز جانە كەرى اسەرى جوق زاماناۋي قۇرىلعىلار قولدانىلادى. سوندىقتان ءوزىڭىزدى جۇزۋگە تولىقتاي بەيىمدەگىڭىز كەلسە، وندا الدىن-الا جاقسى سۋى بار كەرەمەت باسسەيندى تاپقانىڭىز ابزال.
كەرەك كەڭەس confederation.kz سايتىنان الىندى.
