ا ق ش- تىڭ ەنەرگەتيكا ءمينيسترى شىلدەدە قازاقستانعا كەلەدى

 استانا. قازاقپارات - 2016 - جىلدىڭ شىلدە ايىندا قازاقستانعا ا ق ش ەنەرگەتيكا ءمينيسترى ەرنەست مونيز كەلەدى. بۇل تۋرالى استانا قالاسىنداعى ا ق ش ەلشىلىگىندە وتكەن بريفينگتە ا ق ش- تىڭ ق ر- داعى توتەنشە جانە وكىلەتتى ەلشىسى دجوردج كرول حابارلادى.

ديپلوماتتىڭ ايتۋىنشا، 2015 - جىلدىڭ سوڭىندا ق ر ەنەرگەتيكا ءمينيسترى ۆلاديمير شكولنيك كاليفورنيا شتاتىنا ساپار جاساپ، امەريكاندىق ارىپتەستەرمەن كەلىسسوزدەر جۇرگىزدى.

2016 - جىلدىڭ شىلدەسىندە ا ق ش ەنەرگەتيكا ءمينيسترى ەرنەست مونيزدىڭ جاۋاپ ساپارى وتەدى. تاراپتار ەنەرگەتيكا سالاسىنداعى قازاقستاندىق- امەريكاندىق ىنتىماقتاستىقتى تالقىلاماق.

 ەلشى دج. كرول سونداي- اق اعىمداعى جىلدىڭ ءساۋىر ايىندا ق ر- ىنا ا ق ش ساۋدا ءمينيسترىنىڭ ورىنباسارى باسقارعان دەلەگاتسيا كەلەتىنىن دا ايتا كەتتى. سونداي- اق الداعى ۋاقىتتا ا ق ش پەن ورتالىق ازيانىڭ «5+1» ستراتەگيالىق ديالوگى فورماتىنداعى ۆەدومستۆوارالىق كەزدەسۋلەر جوسپارلانعان.