استانا اكىمى جاڭا مەديتسينالىق- الەۋمەتتىك وڭالتۋ ورتالىعىندا بولدى

استانا. قازاقپارات - بۇگىن استانا اكىمى ادىلبەك جاقسىبەكوۆ مەديتسينالىق- الەۋمەتتىك وڭالتۋ ورتالىعىنىڭ جاڭا عيماراتىندا بولىپ، مەديتسينالىق مەكەمەنىڭ قىزمەتكەرلەرىمەن كەزدەستى،

 دەپ حابارلادى astana.gov.kz.

جاڭا ورتالىق اشىلعالى ماتەريالدىق- تەحنيكالىق بازاسى ەداۋىر جاقسارىپ، جاڭا قۇرىلىمدىق بولىمشەلەر اشىلدى - پسيحوتەراپيا بولىمشەسى، الەۋمەتتىك وڭالتۋ بولىمشەسى. 250 كەرەۋەت- ورىنعا ەسەپتەلگەن جاڭا مەديتسينالىق- الەۋمەتتىك وڭالتۋ ورتالىعىن پايدالانۋعا بەرۋ قازىرگى زامانعى عىلىم دەڭگەيىندە ناركولوگيالىق كومەك كورسەتۋدىڭ جاڭا ستاندارتتارىن ىسكە اسىرۋ جولىنداعى ماڭىزدى كەزەڭ بولىپ تابىلادى. ورتالىقتا ەلىمىزدە تۇڭعىش رەت بىلىكتى كومەك كورسەتۋدىڭ بارلىق كەزەڭدەرى ەنگىزىلگەن.

قالا باسشىسى ورتالىقتىڭ بىرنەشە بولىمشەسىن ارالاعاننان كەيىن ۇجىممەن اڭگىمەلەسىپ، ولارعا جۇمىستارى ءۇشىن العىسىن ءبىلدىرىپ، دەنساۋلىق ساقتاۋ قىزمەتكەرلەرىنە جۇكتەلگەن جاۋاپكەرشىلىكتى اتاپ ءوتتى.

ءا. جاقسىبەكوۆتىڭ ايتۋىنشا، بۇگىندە استانادا الەمدىك دەڭگەيدەگى زاماناۋي مەديتسينالىق كلاستەر قۇرىلىپ، قىزمەت ەتۋدە، وعان ەمدەلۋ ءۇشىن بارشا قازاقستاننان عانا ەمەس، سونداي- اق، شەتەلدەردەن دە كەلەدى.

«ەلوردادا يننوۆاتسيالىق جانە جوعارى تەحنولوگيالىق مەديتسينانى جەتىلدىرۋ جانە ەنگىزۋ بويىنشا جۇمىستار ۇزدىكسىز جۇرگىزىلەدى. وسىنىڭ بارلىعى مەملەكەت باسشىسىنىڭ قولداۋىنىڭ ارقاسىندا مۇمكىن بولدى»، - دەدى قالا باسشىسى.

ايتا كەتەيىك، وتكەن جىلى استانادا مەديتسينالىق- الەۋمەتتىك وڭالتۋ ورتالىعىنان باسقا تاعى دا ءتورت دەنساۋلىق ساقتاۋ نىسانى پايدالانۋعا بەرىلدى - قالالىق بالالار جۇقپالى اۋرۋلار اۋرۋحاناسى، امبۋلاتوريالىق- ەمحانا كەشەنى، ب م س ك ورتالىعى، ونكوديسپانسەرگە جاپسارلاستىرا سالىنعان عيمارات. جاڭا دەنساۋلىق ساقتاۋ نىساندارىنىڭ قۇرىلىسى بيىل دا جالعاساتىن بولادى.

مەديتسينالىق- الەۋمەتتىك وڭالتۋ ورتالىعى ەمحانا جانە ستاتسيونار كورپۋستارىنان تۇرادى.

قازىرگى كەزدە ورتالىقتىڭ مىندەتى - كورسەتىلەتىن قىزمەتتەر سەكتورىن الدىن الۋ مەن الكوگولگە تاۋەلدى، ناشاقورلار، قۇمار ويىنعا سالىنعان، دەسترۋكتيۆتى ءتارتىپتىڭ باسقا دا فورمالارىنا ۇشىراعان ناۋقاستارعا ءتيىمدى مامانداندىرىلعان كومەك كورسەتۋگە باعىتتاۋ.

ورتالىقتا جوعارى بىلىكتى ناركولوگ دارىگەرلەر، پسيحوتەراپيەۆتتەر، پسيحولوگتار جۇمىس ىستەيدى. ناۋقاستاردى ەمدەۋ بارىسىندا ءدارى- دارمەكتەردەن باسقا، زاماناۋي پسيحوتەراپيەۆتتىك تەحنولوگيالار، پاتسيەنتكە وڭالتۋدان كەيىنگى قولداۋمەن رەتسيديۆكە قارسى ساپالى ەم- دوم كەڭىنەن قولدانىلادى. سونىمەن قاتار، ناۋقاستىڭ تۋعان- تۋىستارىنا دا جەكە جانە توپتىق پسيحوتەراپيا كۋرسىن الۋ مۇمكىندىگى بەرىلەدى. بۇل تاۋەلدىلىككە شالدىققان وتباسى مۇشەسىمەن سىندارلى ءوزارا ارەكەت ەتۋ داعدىلارىن مەڭگەرۋگە كومەكتەسەدى.

مەديتسينالىق- الەۋمەتتىك وڭالتۋ ورتالىعىندا 228 قىزمەتكەر بار، قازىرگى كەزدە ورتالىقتا بىلىكتى ماماندار تاپشىلىعى جوق.

استانا قالاسى مەديتسينالىق- الەۋمەتتىك وڭالتۋ ورتالىعىنىڭ مەكەن جايى: 31-كوشە، № 7 عيمارات (بالالار جۇقپالى اۋرۋلار اۋرۋحاناسى مەن №1 پەريناتالدى ورتالىقتىڭ اراسىندا).