وليمپياداعا قاتىساتىن سپورتشىلارىمىزدىڭ فورماسىنىڭ ديزاينى انىقتالدى - فوتو
مينيسترلىكتىڭ باسپا ءسوز قىزمەتىنىڭ حابارلاۋىنشا، كوميسسيا وتىرىسىنا يۋري مەلنيچەنكو، ولگا شيشيگينا، سەرىك ساپيەۆ سىندى تانىمال سپورتشىلار مەن ق ر مادەنيەت جانە سپورت مينيسترلىگىنىڭ وكىلدەرى، ۇلتتىق وليمپيادا كوميتەتى مەن تاۋەلسىز ديزاينەرلەر قاتىستى.
كوميسسيا مۇشەلەرى كيىمنىڭ ساپاسى، تىگىس ساپاسى، ديزاينى ەڭ باستى تالاپتار ەكەنىن ەسكەرتتى. سەبەبى ەڭ باستىسى كيىمنىڭ سپورتشىلار ءۇشىن ىڭعايلى بولۋى وتە ماڭىزدى.
كوميسسيا اتالعان ماقساتتاعى مەملەكەتتىك تاپسىرىستى وتاندىق كومپانيالارعا بەرۋ جونىندە شەشىم قابىلدادى. وتىرىستا جالپى تالاپتار، ەسكيزدەر مەن وتاندىق كيىم وندىرۋشىلەردىڭ ۇسىنىستارى ورتاعا سالىندى. ايتىلعان ەسكەرتۋلەر مەن وزگەرىستەر ەسكەرىلە وتىرىپ سپورتشىلار فورماسىنىڭ ناقتى ديزاينى بەلگىلەندى.
ەستەرىڭىزگە سالا كەتەيىك بۇعان دەيىنگى سوچيدە وتكەن قىسقى وليمپيادا ويىندارىنا بارعان سپورتشىلاردىڭ كيىمىن ءوزىمىزدىڭ وتاندىق كومپانيا ازىرلەگەن بولاتىن.
