18:56, 10 - اقپان 2016 | GMT +5
قابدەش ءجۇمادىلوۆتىڭ جاڭا كىتابى جارىققا شىقتى
استانا. قازاقپارات - جۋىردا اتاقتى جازۋشى، قارا ءسوزدىڭ قاس شەبەرى قابدەش ءجۇمادىلوۆتىڭ «اكادەميكتىڭ كوز جاسى» اتتى جاڭا كىتابى وقىرمانعا جول تارتتى.
بۇل تۋرالى جۇمادىلوۆتەر اۋلەتىنىڭ كەلىنى بولىپ وتىرعان ءانشى ءمادينا ءسادۋاقاسوۆا ايتتى.
ءمادينا الەۋمەتتىك جەلىدەگى جەكە پاراقشاسىندا اكادەميك اتاسى مەن بالاسىنىڭ سۋرەتىن جاريالاي وتىرىپ «ۇلكەن اتامىزدىڭ جاڭا كىتابى...»، - دەپ جازبا قالدىرعان.
ەسكە سالا كەتەيىك، 2014 -جىلى ءانشى مادينا ءسادۋاقاسوۆا مەن رەجيسسەر، تەكتى جەردىڭ ازاماتى ولجاس سماعۇلوۆ وتاۋ قۇرعان بولاتىن. ولجاس بەلگىلى جازۋشى قابدەش ءجۇمادىلوۆتىڭ تۋعان نەمەرەسى(جيەن نەمەرەسى). بۇگىندە ولجاس پەن ءمادينا ءبىر بالا تاربيەلەپ وتىر.
