قۋعىن-سۇرگىن قۇرباندارى تۋرالى مالىمەت بار جۇيە ىسكە قوسىلدى

استانا. قازاقپارات - بۇدان بىلاي رەپرەسسيا قۇرباندارى جايلى اشىق ءارى تولىققاندى اقپارات الۋعا مۇمكىندىك بار.

«مەموريال» جاڭا سەرۆيستىك جۇيەسى قازاقستان رەسپۋبليكاسى ىشكى ىستەر مينيسترلىگىنىڭ سايتىنان اشىلدى. وندا قۋعىن-سۇرگىنگە ۇشىراعان 100 مىڭنان استام ادامعا تيەسىلى مۇراعات قۇجاتتارى جيناقتالعان. وندا سول كەزدەگى حالىقتىق كوميسسارياتتىڭ بەلگىلى تۇلعالاردىڭ ۇستىنەن قوزعاعان قىلمىستىق ىستەرىنە قاتىستى مالىمەتتەر دە بار.

سونىمەن قاتار، Ⅱ دۇنيەجۇزىلىك سوعىس كەزىندە تۇتقىنعا تۇسكەن كەڭەس جاۋىنگەرلەرى جايىندا دا مالىمەت تابۋعا بولادى. بىلتىر مينيسترلىككە رەپرەسسياعا ۇشىراعانداردىڭ تۋعان- تۋىستارىنان 555 ءوتىنىش تۇسكەن. ونىڭ 442 سى قازاقستاندىقتاردان بولسا، 105 ى ت م د ەلدەرىنەن، قالعان سەزىگى الىس- جاقىن شەتەلدەردەن كەلىپتى.

راۋزا ءالجانوۆا، ق ر ءى ءى م ارنايى مەملەكەتتىك مۇراعاتىنىڭ اعا ينسپەكتورى:

- بىزدە قىلمىستىق ىستەر بويىنشا قۇجاتتار ساقتالعان. سول قۇجاتتارعا سۇيەنە وتىرىپ اقپارات بەرەمىز. ماسەلەن، قاي جىلى رەپرەسسياعا ۇشىرادى، قاشان سوتتالدى، قاي جىلى اقتالىپ شىقتى. ەگەر ءىس قاعازىندا جەكە قۇجاتتارى بولسا، تۋعان-تۋىستارىنا دا بەرە الامىز. ول ءۇشىن تۋىسى جەكە كۋالىگى مەن رەپرەسسياعا ۇشىراعان اداممەن تۋىستىعىن دالەلدەيتىن قۇجاتتاردى كورسەتۋى ءتيىس.

www.24.kz