نايزاعاي عارىشتان قالاي كورىنەدى
ۆيدەونى Twitter الەۋمەتتىك جەلىدەگى پاراقشاسىندا ۇلى بريتانيالىق عارىشكەر تيم پيك جاريالادى. كادردان نايزاعايدىڭ ستانتسيادان تۇسىرىلگەن بەينەسىن كورۋگە بولادى. عارىشكەردىڭ ايتۋىنشا، تايملاپس سولتۇستىك افريكادان تۇركيا ارقىلى رەسەي باعىتىمەن ۇشىپ بارا جاتقان كەزدە تۇسىرىلگەن.
ايتا كەتەيىك، بۇعان دەيىن قازاقستاندىق عارىشكەر ايدىن ايىمبەتوۆ تا Twitter- دەگى پاراقشاسىندا حالىقارالىق عارىش ستانتسياسىنان تۇسىرىلگەن ەكى ۆيدەونى جاريالاعان بولاتىن.
العاشقى ۆيدەودان باتىس ازياداعى قۇمدى داۋىلدى كورۋگە بولادى. تابيعي قۇبىلىس ەكى راكۋرستان تۇسىرىلگەن. ۆيدەوداعى 9- قىركۇيەكتە ليۆان مەن سيرياداعى بولعان داۋىل بولۋى مۇمكىن. ايتا كەتەيىك، داۋىل ەكى ادامنىڭ ءومىرىن قيعان بولاتىن. سونىمەن قاتار، ايىمبەتوۆ ح ع س- نىڭ جەرمەن سالىستىرعاندا ۇلكەن جىلدامدىقپەن ۇشىپ بارا جاتقانى بەينەلەنگەن قىسقا روليكتى دە جۇكتەدى.
