پسيحولوگتار: ايەلدەر التىنشى رەت كورگەندە عانا عاشىق بولادى

استانا. قازاقپارات - ايەلدەر ەشقاشان دا ءبىر كورگەننەن-اق عاشىق بولمايدى. بۇنداي پىكىردى بريتان عالىمدارى ايتتى.

ەر ادامعا دەگەن ەرەكشە سەزىم تۇتانۋى ءۇشىن ايەلدەر كەم دەگەندە التى رەت كورۋ كەرەك.

عالىمدار جالعىزباستى ايەلدەردى باقىلاپ كوردى. بەلگىلى بولعانداي، نازىك جاندىلار جاڭا قارىم-قاتىناس قۇرۋدا اسا اسىعىستىق تانىتا قويمايدى ەكەن.

بولاشاق سەرىگىن انىقتاۋ ءۇشىن ايەلدەرگە العاشقى تانىستىق كەزىندە ورتاشا العاندا 45 سەكۋند ۋاقىت كەتەدى ەكەن. الدىمەن ولار ەر ادامنىڭ كوزى مەن جۇزىنە قارايدى. سودان كەيىن ءجىتى زەرتتەي باستايدى.

ەكىنشى ولاردىڭ كوزگە تۇسەتىن جەرى ساۋساعى ەكەن، نەكە ساقيناسى بار-جوقتىعىن انىقتاۋ ءۇشىن. سودان سوڭ بارىپ كيىم كيىسى، تۇلعاسى مەن ورتادا ءوز-ءوزىن ۇستاۋى، ءسوز سويلەۋى باعالانادى.

نازىك جاندىلار ءتىپتى ءبىر كورگەندە دەنە ءبىتىمى مەن تەرىسىن، تىرناعىن دا قاراپ ۇلگەرەدى ەكەن. وسىدان سوڭ عانا بارىپ ولار سول اداممەن قارىم-قاتىناستى ارى قاراي جالعاستىرۋ كەرەك پە، جوق پا ەكەندىگىن شەشەدى، دەپ جازادى شەتەلدىك ب ا ق.