دەنساۋلىق: بالدى ماسساجدىڭ پايداسى نەدە؟

نۇر- سۇلتان. قازاقپارات - بالدى ماسساج بىزگە ەجەلگى تيبەتتەن كەلگەن، ءبىراق ول كونە رۋس ەلىندە بال مولىنان بولعان سوڭ سول جەرلەردە جاقسى دامىعان.

بالدى ماسساج جايلى ەستىگەن بولارسىز، ءبىراق ونىڭ پايدالىلىعى جايلى تولىق بىلمەۋىڭىز مۇمكىن. سوندىقتان ءبىز وسى ماسساجدىڭ پايدالىلىعى جايلى سىزدەرمەن بولىسپەكپىز.

بارلىق ماماندار بالدى ماسساجدىڭ حيميالىق پرەپاراتتارعا قاراعاندا بەرەرى مول دەپ وتىر.

الدىمەن بالدى ماسساج بارلىعىنا دا بولا بەرمەيتىنىن ەسكەرتۋىمىز كەرەك. ونى گيپەرتونياسى، دەنە تەمپەراتۋراسى جوعارى، تۇگى مول ادامدارعا قولدانباۋ كەرەك. باسقا ادامدارعا ول تەك پايداسىن تيگىزەدى. ول تەرى تەسىكتەرى ارقىلى شلاكتاردى شىعارىپ، كوڭىل كۇيىڭىزدى كوتەرىپ، سەرگەكتىك سىيلايدى. سونىمەن بالدى ماسساجدىڭ قانداي پايداسى بار؟

بال ول - تابيعي ءونىم، ونىڭ قۇرامى ادام اعزاسىنا كەرەكتى ەلەمەنتتەرگە تولى.

بال قۇرامىنداعى زاتتار ادام دەنەسىنە ءسىڭىپ، ونى تۇبەگەيلى تازارتادى. 15 مينۋتتان كەيىن ول جالتىراپ تۇرعان بالدىڭ ءتۇسى قوڭىرلانا تۇسەدى. بالدىڭ ءتۇسىنىڭ وزگەرۋى ول تەرى اراسىنداعى شلاكتاردى الىپ شىعۋى. تەرى جۇمسارىپ جانە تەرى كوزدەرى تۇزدارمەن شلاكتاردان تازارادى. ماسساجدىڭ وسى ءتۇرى - سەلليۋليتپەن كۇرەسىپ جۇرگەن ايەلدەرگە تاپتىرماس ءادىس. ولاردان تولىق قۇتىلۋ ءۇشىن، ءبىر ەمەس بىرنەشە بالدى ماسساجدى كۋرس قابىلداۋى كەرەك.

بالدى ماسساج تەك كوسمەتولوگيالىق جاعىنان ەمەس، باسقا دا جاعىنان پايدالى. بارىمىزگە بەلگىلى، ءبىزدىڭ ىشكى اعزالارىمىز، بۋىندارىمىز، بۇلشىق ەتتەرىمەن تەرىمەن تىعىز بايلانىستا. ال سول ماسساج تەرى تەسىكتەرىنىڭ كوزىن اشىپ، سونىمەن قاتار ىشكى اعزالاردى دا تازارتا الادى. سىزدە زات الماسۋ پروتسەسى جاقسارادى. وسى ماسساج ءتۇرىن قولدانعان نازىك جاندىلار، وزدەرىندە قانات پايدا بولعانىن ايتىپ جاتادى.

بالدى ماسساج جۇيكە جۇيەسىنە پايدالى. ول سترەستە جانە ۇيقى بۇزىلعاندا كومەككە كەلەدى. بالدى ماسساجدى تەك سۇلۋلىق جاعىنان كەرەك دەپ ويلاماڭىز.

مىسالى، ىشكە دە بالدى ماسساج جاساي الاسىز. ول ءۇشىن: 2 شاي قاسىق تابيعي بالعا بىرنەشە تامشى كەز كەلگەن ەفيرلى ماي قوسىڭىز. بالدى الاقانىڭىزبەن ىسقىلاپ، ءىشىڭىزدى شاپالاقتاڭىز. داۋا بارىسىندا بال قويۋلانا ءتۇسىپ، قول مەن ىشىڭىزگە جابىسادى. وسىلايشا ۆاكۋۋم اسەرى ورىن الىپ، ماسساجدى ودان ءارى اسەرلى قىلادى. بال اعارا باستاعان ساتتە، تەرىڭىزدەن زياندى زاتتار بولىنگەنىن ءبىلىڭىز. ونى جىلى سۋمەن ءسۇرتىپ، قايتا بال جاعىپ، ماسساجدى جالعاستىرىڭىز. بۇل ەمگە 20 مينۋت جاراپ جاتىر، دەپ جازادى anabol.kz.

وستەوحوندروزدا تابىلماس ەم. ادامنىڭ ادەمى ءجۇرۋى ونىڭ ومىرتقاسىنا بايلانىستى. ەگەر سىزدە ارقاڭىزدا جانە مويىنىڭىزدا تۇز جينالعان بولسا، سىزگە كەرەگى وسى. ومىرتقا ول سۋ اعاتىن ارىق سەكىلدى. ءسىز جىلىنا ءبىر رەت بولسا دا ارتىق قوقىستاردان تازارتاسىز. سول سەكىلدى جىلىنا ءبىر رەت ومىرتقانى شلاكتار مەن تۇزداردان تازارتىپ تۇرۋ كەرەك.