بولاشاقتا جاساندى ەت ءدامى جاعىنان شىنايى ەتتىڭ الدىن وراپ كەتۋى مۇمكىن

استانا. قازاقپارات - ەندى بەس جىلدان سوڭ جاساندى ەتتەن جاسالعان بەشبارماق جەۋىمىز مۇمكىن. Mosa meat كومپانياسى ماماندارى وسى باعىتتا جۇمىس ىستەمەك.

بۇل تۋرالى ەكسپرەسس ك باسىلىمى حابارلايدى.

جاساندى ەت ءدامىنىڭ ساپاسى جاعىنان كادىمگى مال ەتىنەن قالىسپايدى. بۇل جاساندى ەت سيىر جاسۋشالارىنان جاسالعان. ەكى جىل بۇرىن عالىمدار العاش رەت گامبۋرگەردى جاساندى ەتتەن دايىنداپ كورگەن ەدى. ونىڭ باعاسى 273 مىڭ دوللار بولعان. ال قازىر «شىنى تۇتىكشەدە جاسالاتىن ەت» باعاسى كەلىسىنە 80 دوللارعا دەيىن ارزاندادى. ال بەس جىلدان سوڭ ول ءتىپتى ءتۇسۋى مۇمكىن. ايتپاقشى، ونداي ەتتى ۆەگەتاريان ادامداردىڭ دا جەي بەرۋىنە بولادى.

جاساندى ەتتىڭ ءدامىن تاتقان ادامدار، ونىڭ ءدامى تۇشى ەكەنىن ايتقان. جوبا ۇيلەستىرۋشىلەرى بۇل جەتىسپەۋشىلىكتىڭ ورىنىن تولتىرامىز دەپ وتىر. ولار شىنى تۇتىكشە ارقىلى تەمىردى كوپتەپ قوسۋ ارقىلى ءدامدى ەت جاساپ شىعارۋعا نيەتتى.

سۋرەت datalook.io سايتىنان الىندى

Stan.kz