ورالدا كورەيشە جاڭا جىل مەرەكەسى تويلاندى - فوتو

ورال. قازاقپارات - كەشە ورال قالاسىنداعى دوستىق ۇيىندە كورەي ەتنومادەني بىرلەستىگىنىڭ ۇيىمداستىرۋىمەن كورەيشە جاڭا جىل مەرەكەسى تويلاندى.

شاراعا قاتىسقان قازاقستان حالقى اسسامبلەياسى ءتوراعاسىنىڭ ورىنباسارى ەرالى توعجانوۆ پەن وبلىس اكىمى نۇرلان نوعايەۆ كورەي ۇلتىنىڭ وكىلدەرىن ءدال وسى كۇندەرى اتالىپ وتىلەتىن جاڭا جىل مەيرامىمەن قۇتتىقتاپ، ىزگى تىلەكتەرىن ءبىلدىردى.

ە. توعجانوۆ ەل بىرلىگى مەن قوعامدىق كەلىسىمدى نىعايتۋعا قوسقان ەلەۋلى ۇلەسى ءۇشىن ب ق و كورەي ەتنومادەني بىرلەستىگىنىڭ ۇجىمىنا قازاقستان حالقى اسسامبلەياسىنىڭ العىسحاتىن تابىس ەتتى.

اتالمىش بىرلەستىك ءتوراعاسى ماكسيم پاكتىڭ ايتۋىنشا، سوللال مەرەكەسىندە كورەي ۇلتىنىڭ وكىلدەرى ەڭ الدىمەن جاسى ۇلكەندەرگە قۇرمەت كورسەتەدى. بۇل كۇنى جاستار قارا شاڭىراققا بارىپ، اقساقالدارعا سالەم بەرىپ، باتاسىن الادى.

شارا بارىسىندا ۇلتتىق كيىمدەرىن كيگەن كورەيلەر ءوز سالت- ءداستۇرى مەن ونەرلەرىن دە كورسەتتى.

      

اۆتور: ەلجان ەرالى