ءاننىڭ دە حالال، حارامى بولا ما؟
قازاقستاننىڭ كوگىلدىر ەكرانى مەن راديوسى اننەن بوساعان ەمەس. «ەستىسى دە، ەسەرى دە»- سونىڭ ىشىندە ءجۇر. ءان ماسەلەسى يدەولوگيامىزعا اينالىپ بارا جاتقاندىقتان ەستىسىن سۇرىپتاپ ۇسىنعانىمىز دۇرىس شىعار، ال، ەسەر ءاندى ءوزىنىڭ سۇيىكتى ۇلتىنا ءوزىنىڭ تەلەراديو كەشەنى ارقىلى-ەسەر باسشىدان باسقا كىم ۇسىنا قويماق!
وسىدان ءبىراز بۇرىن امەريكا پرەزيدەنتى باراك وباما-بۇكىل الەمگە ءبىر جىنىستىلىقتى ءتۇرلى-ءتۇستى بوياۋمەن ناسيحاتتاعاندا - ونىڭ بەتىنە تۇكىرمەگەن قازاق قالعان جوق.
...سونىمەن ءبىر جىنىستىلار دەگەنىمىز كىمدەر؟
...ولار ايەلدەرشە شاش قويىپ، ايەلدەرشە بوياناتىن، ايەلدەرشە قىلىق شىعارىپ، ايەلدەرشە سىرعا تاعىپ، ايەلدەرشە قيمىل قوزعالىس جاساپ، ءوزىنىڭ قۇيرىعىن وزگە ەركەكتىڭ جىنىستىق مۇشەسىنە توساتىن ەركەكتەر! (وسى جولداردى جازىپ بىتكەنشە جيىركەنىشتەن ارىلا المادىم). اتىڭ وشكىردىڭ بۇدان باسقا انىقتامالىعى جوق! باتىستىق كينولاردان ونى وزدەرىڭىز، مەن سۋرەتتەگەننەن دە جامان ەتىپ، كورىپ جۇرسىزدەر. سوندىقتان دا اشىق جازۋعا تۋرا كەلىپ وتىر.
نەگە؟
سىزدەر دە جيىركەنە ءتۇسسىن دەدىم. ايتپەسە وسى بالەنى قوزعاعىم كەلگەن جوق ەدى!
جاقىندا، باراك وبامانىڭ ورىنداي الماي جۇرگەن «اسىل ارمانىنىڭ»- ورىندالا باستاعانىن ءوزىمىزدىڭ گاككۋ ت ۆ دان كورىپ شوشىدىم! گولۋبويلار جايىنداعى فيلمدەردە كورسەتىلەتىن ەركەكتىڭ جىنىستىق مۇشەسىنە جاقىنداردىڭ الدىنداعى ءتىلىن شىعارىپ (قانداي جيىركەنىشتى!)، كوزىن بويايتىن بەينەنى سومداعان Ninety one- توبىنىڭ «ايىپتاما»- اتتى كليپىن كورگەندە كەۋدەمدە جيىركەنىشتەن باسقا ەشتەمە قالعان جوق.
سۇمدىق! وسى توپتى قۇرعان پروديۋسەر مەن ەكراننان كورسەتكەن باسشىلار، سىزدەردى دە انا تۋىپ، ۇل تۋعانىنا قالجا جەدى عوي. سوت الدىندا جاۋاپ بەرمەسەڭىزدەر دە ار الدىندا جاۋاپ بەرەتىندەرىڭىزدى نەگە ويلامادىڭىزدار! باتىستىڭ بۇلدىرە الماي وتىرعان قازاعىنىڭ باسىن-بالتامەن ءبىر-اق شاپتىڭىزدار! ەرتەڭ-ەلىمىزدە ءتىلىن شىعارىپ، سىرعا تاققان قىزتەكەگە اينالعان ەركەك بالالار قاپتاپ جاتسا قۇدايدىڭ الدىندا جاۋاپ بەرمەيسىزدەر مە! سىزدەر ءتۇسىنسىن دەپ، جيىركەنسەم دە، بالالارىمنان ۇيالسام دا بالەنىڭ ءبارىن تاپتىشتەپ جازدىم! سانالارىڭىزدا ساڭىلاۋ اشىلسا...
ءجا، مۇنى وسىمەن دوعارايىق...
ارينە كەز-كەلگەن نارسەنىڭ اق پەن قاراسى بولادى.
ەندى وسىعان قاراما-قارسى جاقىن ارادا ەستى نارسە ءتۇسىرىلىپ پە ەكەن دەپ جەلىنى قارادىم. ىزدەدىم. ارينە، جاستار اراسىنان. بولماسا «مۋزارت»، «جىگىتتەر»، توقتار، رامازان، جۇبانىش، روزا، ماقپال ت. ب. بۇلاردا ويلى دۇنيە جەتەرلىك قوي.
جاستار نەمەن تىنىستاپ جاتىر؟ ساناسىندا دانەك بار ما ەكەن؟ سونى قارادىم. تاپتىم. بار ەكەن. مۇنداي ويلى دۇنيەنى جاستاردىڭ اراسىنان «مەلومەن» توبى جاساپتى. كليپ: «سۇيگەنىم بول»- دەپ اتالادى ەكەن.
...جاستار نەگە كوپ اجىراسادى؟..
كليپ ءون بويىندا وسى سۇراققا جاۋاپ ىزدەگەن سەكىلدى. جاۋاپ قازاقتىڭ ءبىز ۇمىتا باستاعان اتا داستۇرىندە جاتقان جوق پا؟ - دەپ قالاسىڭ.
قالاي؟
...تەكتى قىز - كوزىن ءسۇزىپ كەلىپ، كەزدەسە قالعان جىگىتتىڭ جەتەگىندە جۇرە سالمايدى. وزىنە لايىقتى سىرباز جاندى كورگەندە ماڭىنا جولاتپاستان بۇرىن اۋلەت اقساقالىنىڭ الدىنان وتكىزىپ، وعان ۇناسا قۇدا تۇسۋگە اتا-اناسىن وكىل ەتكەن. قىزدىڭ اكە-شەشەسى وسىعان كونگەن جاعدايدا عانا بارىپ تەكتى ارۋ الگى ارلى جىگىتكە وڭ قاباق تانىتقان. ءبىزدىڭ ەسىمىزگە العىمىز كەلمەيتىن وسى اسىل ءداستۇردى «مەلومەن» توبى جاڭاشا جاڭعىرتىپتى.
نەگە جاڭعىرتتى ەكەن؟..
سەبەبى الىپ-ۇشىپ ۇيلەنگەن ەكى جاستىڭ ىستىق-سۋىعى باسىلادى. ساليقالى ءومىر جولى باستالادى. ىدىس-اياق تا سىلدىرلاي باستايدى. وسى كەزدە ەكەۋىن اجىراتپاي ۇستاپ تۇراتىن «جىبەك جىپ» - اجىراسايىن دەسە كەشەگى باتاسىن الۋعا زار بولعان تەكتى ادامدار مەن اقساقالداردىڭ بەتىنە قاراۋعا ۇيالۋ سەزىمى... وسىناۋ اسىل نارسەنى انشىلەر ءدوپ تاۋىپ، جاڭاشا فورمامەن كليپىنە قولدانعان.
مۇنى ەستى دۇنيە دەپ ەسەپتەدىك.
...ساحنا يدەولوگيالىق قۇرالعا اينالعان زاماندا ءوزىمىزدىڭ تۋعان قازاعىمىزعا رۋحاني تازا دۇنيە ۇسىنايىق، ول قولىمىزدان كەلمەسە تىنىش وتىرايىق تا اعايىن!
قۇراندى تۇڭعىش قازاق تىلىنە اۋدارعان حاليفا التاي اقساقال: «جاقسىلىق جاساۋ قولىڭنان كەلمەسە دە، جامانشىلىق جاساماۋ كەلەدى عوي»- دەگەن ەكەن. وسىنى ەستەن شىعارمايىق.
جارىلقاسىن داۋلەت
namys.kz
