قازاقستاندىق رەجيسسەر ا ق ش- تا قۇلدىققا تۇسكەن قازاق قىزى تۋرالى فيلم تۇسىرمەك

استانا. قازاقپارات - قازاقستاندىق كينورەجيسسەر سالامات مۋحاممەد-ءالي ايگىلى پروديۋسەر گرەي فرەديكسونمەن بىرلەسىپ، «قۇلدىق» دەپ اتالاتىن فيلم تۇسىرمەك، دەپ حابارلادى الماتى ارناسى.

فيلمدە زياتكەرلىك قۇلدىققا تۇسكەن قىزدىڭ تاعدىرى باياندالادى. ءتۇسىرىلىمنىڭ 90 پايىزى ا ق ش- تىڭ وكلاحوما شتاتىندا تۇسىرىلەدى، ال قالعان ەپيزودتارى قازاقستاندا جۇرگىزىلەدى دەپ جوسپارلانىپ وتىر.

قازىر سەناريدىڭ سوڭعى نۇسقاسى جازىلۋدا ءارى ينۆەستورلارمەن كەلىسسوزدەر جۇرگىزىلىپ جاتىر. اتالعان شىعارمانىڭ باستى رولدەرىن امەريكالىق جانە وتاندىق ارتىستەر وينايدى دەپ كۇتىلۋدە.

«فيلم قازاقستاننان شىققان وتە تالانتتى قىز تۋرالى بولادى. ول قىلمىستىق وقيعالارعا بايلانىستى نيۋ-يورككە تاپ بولادى. ول جاقتا وتە باي ادامنىڭ قولىنا تۇتقىنعا ءتۇسىپ، قۇلىنا اينالادى»، - دەدى رەجيسسەر سالامات مۇحاممەد-ءالي.

«قۇلدىق» فيلمى - رەجيسسەر سالاماتتىڭ ەكىنشى تۋىندىسى بولماق. بۇعان دەيىن ول «بۇكىل الەم ءبىزدىڭ اياعىمىزدىڭ استىندا» اتتى كينوتۋىندىسىمەن تانىلعان-دى. بۇل كارتيناعا الەمگە ايگىلى 8 كينو جۇلدىز تۇسكەن بولاتىن. ولاردىڭ قاتارىندا بريتاندىق ءارتىس پيتەر و تۋل، ارماند اسانتە، مارك داكاسكوس جانە بولو يەنگ بولعان.

فيلمنىڭ جالپى بيۋدجەتى 7 ميلليون دوللاردى قۇرادى. وتاندىق كورەرمەندەردىڭ ىستىق ىقىلاسىنان سوڭ، رەجيسسەر تۇڭعىش تۋىندىسىن وسى جازدا الەمنىڭ 67 ەلىندە پروكاتقا شىعارۋدى جوسپارلاپ وتىر ەكەن.