وڭتۇستىك كورەياعا ۇشقان تۋريستەرگە تەگىن سمارتفوندار تاراتىلادى
اكسيانىڭ ۇيىمداستىرۋشىلارى جەرگىلىكتى SK Telekom ۇيالى وپەراتورى، Samsung كومپانياسى جانە ۇلتتىق تۋريزم ۇيىمى ەكەن.
بۇل تۋرالى Lenta.ru حابارلايدى.
اكسياعا قاتىسامىن دەۋشى ساياحاتشىلار، سيم-كارتاسى سالىنعان، ءموبيلدى تاريفىنە گيگابايت قوسىلعان Samsung Galaxy Note 5 ۇيالى تەلەفونىن بەس كۇن پايدالانۋعا الا الادى. تەگىن تەلەفوندى اپتاسىنا تەك 250 ادام عانا الا الادى. ال ءبىر جىلدا 12 مىڭ تۋريست سمارتفونداردى قولدانادى.
گادجەتتى الۋ ءۇشىن تۋريستەرگە ۇلتتىق تۋريزم ۇيىمىنىڭ سايتىنا ءوتىنىش قالدىرۋى كەرەك. اكسياعا تىركەلۋ فورماسى پورتالدا جاقىن كۇندەرى پايدا بولادى. شارانىڭ ناقتى قاشان باستالاتىنى ازىرگە بەلگىسىز. بۇل وسىعان ۇقساس ءبىرىنشى تەگىن اكسيا ەمەس. 2015-جىلدىڭ شىلدە ايىندا لوندون-سيتي اۋەجايىنا قونعان ۇشاقتىڭ ءبىر جولاۋشىسى جۇكتەرىمەن بىرگە تەگىن سىرا العان بولاتىن.
stan.kz
