09:58, 05 - اقپان 2016 | GMT +5
وباما نە ءۇشىن مەشىتكە بارماق بولدى ؟
استانا. قازاقپارات - كەشە اق ءۇي باسپا ءسوز قىزمەتى اقش پرەزيدەنتى باراك وبامانىڭ نە ءۇشىن مەشىتكە بارماق بولعانى جايلى مالىمدەمە تاراتتى.
باسپاءسوز حاتشىسى دجوش ەرنەستتىڭ ايتۋىنشا، وبامانىڭ بالتيمورداعى مەشىتكە بارۋى ەل اراسىنداعى يسلام دىنىنە قارسى كوزقاراستىڭ باسەڭدەۋىنە الىپ كەلۋى ءتيىس.
ونىڭ ايتۋىنشا، وبامانىڭ ساپارى امەريكاندىقتار ءۇشىن ءدىني ۇستانىم ەركىندىگى مەن ءدىني توزىمدىلىكتىڭ ۇلگىسى بولماق. «پرەزيدەنتتىڭ بۇل ساپارى وسى ەكى جاعدايدى ناقتىلاي تۇسەدى» ، - دەيدى ول.
دەگەنمەن، باسپا ءسوز حاتشىسى باراك وبامانىڭ نەگە بالتيمورداعى مەشىتتى تاڭداعانىن ايتپادى. ال، امەريكاندىق باسپا ءسوز قۇرالدارى بۇل قۇلشىلىق ورداسىنىڭ تاريحى جايلى تالاي- تالاي جاڭالىقتار دا جازىپ ۇلگەرىپتى. ءتپتى، بۇل مەشىتتە ءبىر كەزدەرى سۋداندىق «مۇسىلمان باۋىرلار» توبىنىڭ مۇشەسى بولعان مۋحامماد اش- شەيحتىڭ يمام بولعانى تىلشىلەر نازارىنان سىرت قالماعان.
muslim.kz
