17:03, 04 - اقپان 2016 | GMT +5
اۆستراليالىق حايۋاناتتار باعىنان سيرەك كەزدەسەتىن تاسباقا جوعالدى
استانا. قازاقپارات - اۆستراليالىق پەرت (Perth) قالاسىنىڭ حايۋاناتتار باعىنان سيرەك كەزدەسەتىن ساۋلەلى تاسباقا جوعالىپ كەتتى، دەپ حابارلايدى BBC News.
10 جاستاعى رەپتيليانىڭ تورداعى ورنىنان جوعالعانىن سەيسەنبى كۇنى بايقاعان.
حايۋاناتتار باعىنىڭ قاراۋشىلارى جانۋاردىڭ زاڭسىز نارىقتا ساتىلۋى ءۇشىن ۇرلانۋى مۇمكىن دەپ ەسەپتەيدى.
قازىرگى كەزدە حايۋاناتتار باعىنىڭ بۇكىل اۋماعىندا ورناتىلعان بەينەباقىلاۋ تاسپالارىنداعى جازبالار زەرتتەلىپ وتىر.
جابايى تابيعاتتا ساۋلەلى تاسباقا ماداگاسكاردىڭ وڭتۇستىگىندە كەزدەسەدى، ول كوبىنە ارالدىڭ وڭتۇستىگىندەگى ورماندى جەرلەردى مەكەندەيدى. رەپتيليالار ورمانداردىڭ جاپپاي كەسىلۋى مەن براكونەرلىكتىڭ سالدارىنان جوعالۋعا جاقىن.
