ليتۆا ۇلى جىبەك جولىن جالعاستىرۋعا دايىن

استانا. قازاقپارات - ليتۆا جاڭا ۇلى جىبەك جولىن جالعاستىرىپ، ترانس كاسپيلىك حالىقارالىق كولىك باعىتىنا قوسىلۋعا نيەت تانىتىپ وتىر.

بۇل تۋرالى ۋكراينا پرەمەر-ءمينيسترى ارسەني ياتسەنيۋك جۋرناليستەرگە حابارلادى. ايتا كەتكەن ءجون، العاشقى ۋكراينالىق جۇك پويىزى جاڭا باعىت بويىنشا اقپاننىڭ 15 ءى كۇنى يليچيەۆسك پورتىنان شىعىپ، گرۋزيا، ءازىربايجان، قازاقستان ارقىلى ءوتىپ، 15 كۇندە قىتاي شەكاراسىنا جەتكەن بولاتىن.

ال قازىرگى تاڭدا كارى قۇرلىق پەن ازيا اراسىن جالعايتىن كولىك باعىتىنا ەۋرووداق مەملەكەتتەرى دە قىزىعۋشىلىق بىلدىرۋدە. ترانس كاسپيلىك باعىتپەن جەتەتىن تاۋارلار ەندى بەلارۋس ارقىلى ليتۆانىڭ كلايپەدا قالاسىنا دەيىن تاسىمالدانباق.

قازىر بۇل ەلمەن ۋكراينا ءتيىستى كەلىسسوزدەر جۇرگىزىپ جاتىر.

ارسەني ياتسەنيۋك، ۋكراينا پرەمەر-ءمينيسترى:

- ليتۆا بۇل جوباعا قاتىسۋعا مۇددەلى. قازىرگى تاڭدا بۇل ەلمەن الدىن الا مەموراندۋم دا جاسالدى. ياعني ەۋرووداقپەن ىنتىماقتاستىق اياسىندا جىبەك جولىنا ەۋروپالىق ارىپتەستەرىمىز دە قوسىلماق.

ەندى ليتۆا دا «ۆيكينگ» جۇك كونتەينەرلىك پويىزى ارقىلى ءوز تاۋارلارىن قىتايعا جەتكىزۋ مۇمكىندىگىنە يە بولادى.

www.24.kz