12:18, 05 - اقپان 2016 | GMT +6
وباما تۇڭعىش رەت ا ق ش مەشىتىنە باردى
استانا. قازاقپارات - ا ق ش پرەزيدەنتى باراك وباما پرەزيدەنتتىك قىزمەتىندە تۇڭعىش رەت ءوز ەلىنىڭ مەشىتىنە بارىپ، بالتيمور قالاسىنداعى مۇسىلمانداردىڭ الدىندا ءسوز سويلەدى، - دەپ حابارلايدى Euronews.
وباما ءوز سوزىندە «يسلامنىڭ امەريكانىڭ كولونيالىق زامانداردان بەرى بولشەگى» ەكەنىن جانە ەلدىڭ دامۋىنداعى امەريكالىق مۇسىلمان ۇرپاقتارىنىڭ ءرولىن اتاپ ءوتتى. «11- قىركۇيەكتەگى تەراكتىلەردەن كەيىن، سوڭعى پاريجدەگى جانە سان-بەرناردينوداعى شابۋىلداردان كەيىن ءبىز ادامداردىڭ وسى ۇرەيلى تەراكتىلەردى جالپى ءبىر دىنمەن بايلانىستىرىپ جاتقانىن كوردىك. سونىمەن قاتار، سوڭعى ۋاقىتتا ءبىر امەريكالىق مۇسىلماندارعا قارسى باعىتتالعان كەشىرىمى جوق ساياسي ريتوريكانى ەستىدىك»، - دەدى ا ق ش پرەزيدەنتى بارلىق دىنگە دە ءتوزىمدى بولۋعا شاقىرىپ.
وبامانىڭ ايتۋىنشا، تەرروريزممەن جۇرگىزىلىپ جاتقان قازىرگى كۇرەس «باتىس پەن يسلامنىڭ قاقتىعىسى ەمەس».
