ەلباسى سىرتقى ىستەر مينيسترلىگىنە جاڭا مىندەتتەر جۇكتەدى

استانا. قازاقپارات - مەملەكەت باسشىسى نۇرسۇلتان نازاربايەۆتىڭ توراعالىعىمەن سىرتقى ىستەر مينيسترلىگىنىڭ كەڭەيتىلگەن القا ءماجىلىسى ءوتتى، دەپ حابارلادى اقوردانىڭ باسپا ءسوز قىزمەتىنەن.

القا ءماجىلىسىنىڭ نەگىزگى تاقىرىبى سىرتقى ىستەر مينيسترلىگى مەن ەلىمىزدىڭ شەت ەلدەردەگى مەكەمەلەرىنىڭ قىزمەتىندەگى سىرتقى ەكونوميكالىق باعداردى كۇشەيتۋ ماسەلەسى بولدى.

وتىرىستا «ەكسپو-2017» حالىقارالىق مامانداندىرىلعان كورمەسىنە شەت مەملەكەتتەردىڭ كەڭ اۋقىمدا قاتىسۋىن قامتاماسىز ەتۋ جونىندەگى شارالار دا تالقىلاندى.

القا ماجىلىسىندە قازاقستان پرەزيدەنتى سىرتقى ساياسات ۆەدومستۆوسىنىڭ الدىنا ءبىرقاتار جاڭا مىندەت قويدى جانە ناقتى تاپسىرمالار بەردى.

مەملەكەت باسشىسى مينيسترلىكتىڭ شيرەك عاسىر بۇرىن، ەل ءۇشىن كۇردەلى ۋاقىتتا قۇرىلعانىن اتاپ ءوتتى.

بۇگىندە رەسپۋبليكامىز الەمنىڭ 169 مەملەكەتىمەن ديپلوماتيالىق بايلانىس ورناتتى. شەتەلدە 94 ەلشىلىك جۇمىس ىستەيدى، قازاقستاندا وزگە ەلدەر مەن حالىقارالىق ۇيىمداردىڭ 50 دەن استام ەلشىلىگى مەن ديپلوماتيالىق وكىلدىكتەرى بار. وتاندىق ديپلوماتيا ارقىلى كوپتەگەن جاھاندىق ولشەمدەگى سىرتقى ساياسي باستامالار جۇزەگە اسىرىلدى. قازاقستان تۇڭعىش رەت ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسىنىڭ ورنىنا ۇمىتكەر بولىپ وتىر. وسىعان بايلانىستى دوستىق قارىم-قاتىناستاعى ەلدەردىڭ قولداۋىنا ءۇمىت ارتامىز، - دەدى نۇرسۇلتان نازاربايەۆ.

قازاقستان پرەزيدەنتى وتاندىق ديپلوماتتاردىڭ ۇلەسىن اتاپ ءوتىپ، ولارعا ەلدىڭ تاۋەلسىزدىگىن نىعايتۋعا، سىرتقى ساياساتتى دامىتۋعا باعىتتالعان جۇمىستارى ءۇشىن العىس ايتتى.

نۇرسۇلتان نازاربايەۆ قازاقستاننىڭ ت م د، ش ى ۇ، ا و ى س ش ك، ە ا ە و سياقتى ماڭىزدى حالىقارالىق بىرلەستىكتەردىڭ باستاماشىسى بولعانىن ايتتى. سونىمەن قاتار، رەسپۋبليكامىزدا وسى عاسىردا ءبىرىنشى رەت ە ق ى ۇ سامميتىن جانە ي ى ۇ سىرتقى ىستەر مينيسترلەرى كەڭەسىنىڭ 38-سەسسياسى وتكىزىلدى.

- وسىنىڭ ءبارى ءبىزدىڭ ۇلەسىمىزگە ءتيدى. اتالعان ءىس-شارالاردى وتكىزۋ ەلىمىزدىڭ اتىن حالىقارالىق ارەنادا تانىتتى. سونىمەن بىرگە الدا تۇرعان مىندەتتەردىڭ ماڭىزى دا بۇلاردان كەم ەمەس. سوندىقتان، اتقارىلعان شارۋانى باعالاي وتىرىپ، الداعى قادامدارىمىز تۋرالى ويلانۋ كەرەك، - دەدى مەملەكەت باسشىسى.

القا بارىسىندا سىرتقى ىستەر ءمينيسترى ە. ىدىرىسوۆ ءسوز سويلەپ، ۆەدومستۆو ەلدىڭ سىرتقى ساياسي جانە سىرتقى ەكونوميكالىق مۇددەلەرىن ودان ءارى ىلگەرىلەتۋگە، قازاقستاننىڭ حالىقارالىق بەدەلىن جۇيەلى تۇردە نىعايتۋعا جانە شەت ەل مەملەكەتتەرىمەن ەكىجاقتى ىنتىماقتاستىقتى دامىتۋعا بارىنشا كۇش سالۋعا نيەتتى ەكەنىن ايتتى.

سونىمەن قاتار، ينۆەستيتسيالار جانە دامۋ ءمينيسترى ءا. يسەكەشيەۆتىڭ، «استانا -2017» ۇلتتىق كومپانياسى» ا ق باسقارماسىنىڭ ءتوراعاسى ا. ەسىموۆتىڭ، سونداي-اق قازاقستاننىڭ ءبىرقاتار ەلدەگى ەلشىلەرىنىڭ باياندامالارى تىڭدالدى.