مۇحتار ماعاۋينگە: اعا
مەن كەلگەندە ءسىز كەتتىڭ، ىزدەتتىڭ شىن،
تەگىمىزدىڭ بىلەمىن ءبىر بەتتىسىن.
ورتەندىمە اعاتاي مۇڭ، كەككە ءىشىڭ،
اتاجۇرتتى الىستان سۇيمەكپىسىڭ؟!
«بەس عاسىردان» اينالعان جىرى اڭىزعا،
«قوبىزسارىن» كەلەدى قۇلاعىما.
«قىپشاق ارۋ» كەتتىڭبە تۇراعىنا،
«جارماقتالعان» ۇلتىڭا جىلادىڭبا؟.
«شىڭعىسحان»، «شاحان شەرى» الىپ كوشىن،
باستادىڭ «قازاق تاريحى الىپپەسىن».
سەندەي-اق شاكەرىمدى دارىپتەسىن،
«سارى قازاق» سىباعاڭا دانىكپەسىن!!
كۇندەستەرىڭ كۇلەدى سەن كەتكەلى،
«كەسىك باس، ءتىرى تۇلىپ» كەلبەتتەرى.
اسپانىمدا «كوكمۇنار» سەلدەتپەدى،
ەڭبەكتەرىڭ جاتادى ەمدەپ مەنى.
اعا نەگە ارتىڭا بۇرىلمادىڭ؟،
ەل بولماسىن وسىما ۇعىنعانىڭ؟.
كەشەرسىڭ، تەز جەتەرسىڭ سىيىنعانىم،
ەسكەرتەم، ەل-جۇرتىڭا سىيىڭ بارىن!
مەن ءۇشىن اسىلداسىڭ، جاسىنداسىڭ،
بىلەمىن ساعىنىشىم باسىلماسىن.
باعاڭدى بەرە الماسا عاسىرعا سىن،
الەمدىك الىپتاردىڭ باسىنداسىڭ!
اعا!
تالاپبەك تىنىسبەك ۇلى،
Facebook- تەگى پاراقشاسىنان
