تۇرسىنبەكتى تۇرسىنبەك ەتكەن كىم؟
كوپشىلىكتى قىران- توپان كۇلكىگە كەنەلتىپ جۇرگەن ارتىسكە «بولىسقانداردىڭ» دەنى باسىلىمدى ايىپتاي جونەلگەن.
«حالىق تۇرسىنبەكتىڭ قازاقتى بۇدان ءارى دە سىناي تۇسكەنىن قالايدى ەكەن. بەيشارا، سورلى ەتىپ كورسەتسە قازاق تۇزەلەتىن كورىنەدى. ورىستى ماقتاپ، قازاقتى تۇككە العىسىز قىلعاننىڭ تۇك ايىبى جوق ەكەن. مىنە، ءبىزدىڭ حالىقتىڭ پىكىرى وسى»، - دەپ جازادى «كوررەسپوندەنت» باسىلىمى.
وتاندىق باسىلىم حالىقتىڭ تۇرسىنبەككە دەگەن ماحابباتىنىڭ شەكسىز ەكەنىن تۇسىنەتىنىن ەسكە سالا وتىرىپ، وقىرمانعا «تۇرسىنبەكتى جەك كورىڭدەر» دەپ وتىرماعانىن ايتادى.
قازاقتى كىنالاي بەرگەننەن باسقا تاقىرىپ جوق پا؟
«دەگەنمەن، ءوزىمىزدى سورلى ەتە بەرگەننەن نە شىعادى؟ قازاقتى كىنالاي بەرگەننەن باسقا تاقىرىپ جوق پا؟ قازاقتىڭ قولى اۋزىنا جەتكەنى كەشە ەمەس پە؟ ەندى ەل بولىپ، اياققا تۇرعان بالاداي عوي. ونى نە دەپ سىنايسىڭ؟ ونى نە دەپ كۇستانالايسىڭ؟»، - دەپ ويىن ساراپتادى باسىلىم.
اۆتور 300 جىل ورىستىڭ بودانى بولعان قازاققا ورىس ۇلتىنىڭ جوعارىدان قاراپ، وكتەم سويلەپ، قارسى شىققانىن اتىپ، اسىپ، يتجەككەنگە ايداعانىن باستى نازارعا العان.
«ابدەن ەزىلىپ، ەندى ويانا باستاعان ءوز قانىڭدى وسىلاي تۇككە العىسىز قىلۋ اتا-بابا ءارۋاعىنا تۇكىرۋ، سولار كورگەن قورلىقتى جوققا شىعارۋ، سول قورلىقتى كورسەتكەندەردىڭ الدىندا تاعى ءبىر مارتە جىعىپ بەرۋ ەمەس پە؟ قازاقتى مازاق ەتكەننەن باسقا تاقىرىپ جوق پا؟»، - دەپ جازىلعان ماقالادا.
باسىلىم جاقىندا عانا الەۋمەتتىك جەلىلەردە قىزۋ تالقىلانىپ جاتقان «ءومىر ساباقتارىنىڭ» تەلەجۇرگىزۋشىسى، «باۋىرجان شوۋدىڭ» نەگىزىن سالعان، تۇرسىنبەكتىڭ ارىپتەسى، ايگىلى باۋىرجان يبراگيموۆتىڭ قوناق ۇيدەگى بەيادەپ سوزدەرىن پەندەلەشىلىككە ساناپ، جەكە باسقا قاتىستى بۇل جاعدايعا كەشىرىممەن قاراۋعا شاقىرعان.
ال ەندى ءسوز قازاق ونەرى مەن شىعارماشىلىعىنا، قازاقتار تۋرالى ازىلگە كەلگەندە ءۇنسىز قالا المايتىنىن جەتكىزگەن.
تۇرسىنبەكتى تۇرسىنبەك ەتكەن كىم؟ كورەرمەن. كورەرمەن بولعاندا دا 100 پايىز قاراپايىم قازاقتان قۇرالعان كورەرمەن
«تۇرسىنبەكتى تۇرسىنبەك ەتكەن كىم؟ كورەرمەن. كورەرمەن بولعاندا دا 100 پايىز قاراپايىم قازاقتان قۇرالعان كورەرمەن. ونى ءوزى دە ۇنەمى ايتىپ جۇرەدى»، - دەيدى اۆتور.
باسىلىم ونەردە جۇرگەن كەز- كەلگەن ادامنىڭ باعىن اشاتىن دا، قۇتىن قاشىراتىن دا كورەرمەنى، تىڭدارمانى ەكەنىن ايتا كەلە، كيەلى ساحنانىڭ بيىگىنە قاراپايىم حالىقتىڭ ارقاسىندا كوتەرىلگەن ونەر يەلەرى ءوز ەلىنىڭ، حالقىنىڭ جامانىن جاسىرىپ، جاقسىسىن اسىرۋدى ۇيرەنۋدى مەڭزەدى.
ەستەرىڭىزگە سالا كەتەيىك، «كوررەسپوندەنت» باسىلىمى جاقىندا «تۇرسىنبەك قازاقتى مازاق ەتكەندى قاشان قوياسىڭ؟» دەگەن ماقالا جاريالاپ، وندا قاباتوۆتىڭ قازاقتىڭ تەك كەمشىلىگىن عانا بايقاپ، مىسقىلدايتىنىن جازعان ەدى.
دەرەك كوزى: كوررەسپوندەنت. ك ز
