قىتايدىڭ كۇتىلمەگەن ەكونوميكالىق كورسەتكىشتەرى مۇنايدىڭ الەمدىك باعالارى تومەندەتۋدە

استانا. قازاقپارات - مۇنايدىڭ الەمدىك باعالارى قىتايدىڭ كۇتىلمەگەن ەكونوميكالىق كورسەتكىشتەرى جاريالانعان سوڭ تومەندەۋىن جالعاستىرىپ وتىر، مۇنى ساۋدا مالىمەتتەرىنەن كورۋگە بولدى.

بۇل تۋرالى رەسەيلىك «ر ي ا نوۆوستي» اگەنتتىگى حابارلادى.

تۇستەن كەيىن Brent ماركالى سولتۇستىك تەڭىزدىك مۇناي قوسپاسىنىڭ ساۋىردەگى فيۋچەرستەرىنىڭ باعاسى 0.25 پايىزعا - ءبىر باررەل ءۇشىن 35.9 دوللارعا دەيىن تومەندەگەن. WTI ماركالى مۇنايدىڭ ناۋرىزداعى فيۋچەرستەرىنىڭ باعاسى 1.29 پايىزعا - ءبىر باررەل ءۇشىن 33.19 دوللارعا تۇسكەن.

«2016-جىلى مۇناي باعاسىنىڭ وسۋىنە قىتاي يۋانىنىڭ السىرەۋى، الەمدىك ەكونوميكالىق وسىمگە سەنبەۋشىلىك، سونداي-اق مۇناي مەن وتىن قورىنىڭ مول رەزەرۆى كەرى اسەر ەتىپ وتىر»، - دەپ مالىمدەدى BMI Research ساراپشىلارى. ماماندار بيىلعى جىلدىڭ ەكىنشى جارتىسىندا باعانىڭ بىرتىندەپ جوعارىلاۋىن كۇتىپ وتىر.