07:41, 02 - اقپان 2016 | GMT +5
دارىگەرلەر: سارى ۋايىم ادامنىڭ ومىرتقا اۋرۋىن ارتتىرىپ جىبەرەدى
استانا. قازاقپارات - كۇيزەلىسكە ۇشىراعان ادامدار باسقالارعا قاراعاندا، ءجيى بەل اۋرۋىنا شالدىعادى، دەپ مالىمدەدى سيدنەي ۋنيۆەرسيتەتىنىڭ عالىمدارى.
بۇل تۇجىرىمعا ولار 20 مىڭنان استام ادام قاتىسقان ونداعان زەرتتەۋدەن كەيىن كەلىپ وتىر، دەپ جازادى شەتەلدىك ب ا ق.
سارى ۋايىم ومىرتقانى زاقىمدايدى. اۋرۋ قارقىنى كۇيزەلىستىڭ اۋىرلىعىنا دا بايلانىستى. ورتاشا كۇيزەلىستە جۇرگەن ادامداردىڭ 60 پايىزىندا بەل اۋرۋىنىڭ ءورشۋى بەيىم.
عالىمدار كۇيزەلىس پەن ومىرتقانى ءبىر ۋاقىتتا ەمدەۋدى ۇسىنادى. الايدا، بۇل سىرقات ءبىر بىرىمەن بايلانىستى دەپ ناقتى ايتۋعا بولمايدى. ويتكەنى، بەل اۋرۋىنا تاعى ءبىر سەبەپ گيپوديناميا جانە كۇيزەلىستەن بولاتىن ۇيقى شالالىعى دا بولۋى مۇمكىن.
