تۇركيانىڭ اۋە كۇشتەرى تولىعىمەن سوعىس دايىندىعىنا كوشىرىلدى

استانا. قازاقپارات - تۇركيا اسكەري اۋە كۇشتەرىنىڭ قولباسشىلىعى وزىنە قاراستى بارلىق ءبولىمدى دابىلدىڭ «قىزعىلت سارى» دەڭگەيگە كوتەرىلۋىنە بايلانىستى، سوعىسقا دايىندىق تۇرىنە كوشىردى.

بۇل تۋرالى اناتوليا اگەنتتىگى حابارلادى دەپ جازادى Baq.kz.

بۇعان دەيىن تۇركيا رەسەيلىك ۇشاقتىڭ ەلدىڭ اۋە كەڭىستىگىن تاعى مارتە بۇزعانىن حابارلاعان ەدى. وقيعا تۇركيا رەسەيلىك اسكەري ۇشاعىن اتىپ تۇسىرگەلى بەرى ەكى ايدان كەيىن بولىپ وتىر.

تۇركيا پرەزيدەنتى رەدجەپ ەردوعان قاڭتاردىڭ 30- كۇنى رەسەيگە تۇركيانىڭ اۋە كەڭىستىگىن بۇزۋدى جالعاستىرا بەرسە، وعان ءتيىستى جاۋاپ بەرىلەتىنىن ەسكەرتتى. ەردوعان مالىمدەمەسىن تۇركيا س ءى م رەسەيلىك سۋ-34 اسكەري ۇشاعىنىڭ ورىس جانە اعىلشىن تىلدەرىندەگى ەسكەرتۋلەرگە قاراماستان، قاڭتاردىڭ 29 ى كۇنى ەلدىڭ اۋە كەڭىستىگىنە كىرگەنى تۋرالى حابارلاماسىنان سوڭ جاسادى.

راديولوكاتسيالىق ستانسيالاردىڭ ەسكەرتۋلەرىن ەلەمەگەن رەسەيلىك جويعىش ۇشاقتىڭ تۇركيانىڭ قاي اۋدانىندا اۋە شەكاراسىن بۇزعانى بەلگىسىز.

تۇرىك س ءى م رەسەي تارابىن ەكى ەل اراسىنداعى جاعدايدى ۋشىقتىرىپ وتىر دەپ ايىپتايدى جانە ونىڭ كەز كەلگەن سالدارى ءۇشىن جاۋاپتى بولاتىنىن ەسكەرتتى. وسىعان وراي رەسەيدىڭ انكاراداعى ەلشىسىنە نوتا تابىس ەتىلدى.

ناتو باس حاتشىسى يەنس ستولتەنبەرگ رەسەيدى «جاۋاپكەرشىلىكپەن ارەكەت ەتۋگە جانە ناتو-نىڭ اۋە كەڭىستىگىن سىيلاۋعا» شاقىردى.

ستولتەنبەرگ قاڭتاردىڭ 30 ى كۇنى «رەسەي مۇنداي وقيعالار قايتالانباۋى ءۇشىن بارلىق قاجەتتى شارانى قولعا الۋى ءتيىس. ناتو بۇل ماسەلەدە ءوزىنىڭ مۇشەسى-تۇركيانى قولدايدى»، - دەپ مالىمدەدى.

رەسەي مەن تۇركيا اراسى قاراشانىڭ 24 ءى كۇنى تۇرىكتىڭ ا ا ك سيريا اسپانىندا تۇرىكتىڭ اۋە كەڭىستىگىن بۇزدى دەپ ايىپتاعان رەسەيلىك سۋ-24 بومبالاۋشى ۇشاعىن اتىپ ءتۇسىردى. ماسكەۋ بارلىق ايىپتاۋدى جوققا شىعارىپ، تۇركياعا قارسى سانكتسيا ەنگىزدى.