قازاقستاندىق پاتريوتيزم - ءبىزدىڭ كوپۇلتتى قوعامىمىزدىڭ تابىسىنىڭ نەگىزى - ز. ماحۋسەيەۆ
«ق ر پارلامەنت ءماجىلىسى مەن بارلىق دەڭگەيدەگى ءماسليحاتتارعا سايلاۋ ۋاقىت پەن قارجىنى ۇنەمدەۋ مۇمكىندىگىن بەرىپ وتىر. سايلاۋدىڭ مەرزىمىنە دەيىن وتكىزىلۋىنىڭ نەگىزگى سەبەبى - بۇل مەملەكەت باسشىسى ۇسىنعان «ءجۇز ناقتى قادام» ۇلت جوسپارىن ءتيىمدى ىسكە اسىرۋ، - دەدى قاراشاي- بالقار ەتنومادەني بىرلەستىگىنىى ءتورايىمى لەليا ۋزدەنوۆا.
ۇلت كوشباسشىسىنىڭ باستاماسىمەن ۇسىنىلعان «ۇلكەن ەل - ۇلكەن وتباسى» جوباسى قازاقستاندىقتاردىڭ بىرلىگىن نىعايتادى، دەپ ەسەپتەيدى ل. ۋزدەنوۆا.
مەملەكەت باسشىسىنىڭ ق ر پارلامەنت ءماجىلىسى مەن بارلىق دەڭگەيدەگى ءماسليحاتتار سايلاۋىن مەرزىمىنە دەيىن وتكىزۋ شەشىمىن قولدايتىنى تۋرالى جالپى پىكىرىن بىلدىرگەن تاجىك ەتنومادەني بىرلەستىگىنىڭ ءتوراعاسى ءاليجون مۋللادجانوۆ قازاقستاندىقتاردى پاتريوت بولىپ، داۋىس بەرۋگە بەلسەندى قاتىسۋعا شاقىردى.
«قازاقستاندىق پاتريوتيزم - كوپ ۇلتتى جانە كوپكونفەسسيالى قوعام تابىسىنىڭ نەگىزى. سەبەبى قازاقستاندىق ءپاتريوتيزمنىڭ ىرگەتاسى - بۇل بارلىق ازاماتتاردىڭ تەڭ قۇقىقتىعى مەن وتاننىڭ بولاشاعى ءۇشىن جالپى جاۋاپكەرشىلىگى. مۇندا مەن جامبىل وبلىسىنداعى قازاقستان حالقى اسسامبلەياسى قۇرىلىمدارىنىڭ ءبىرى - «اق جەلكەن» جاستار ليگاسى ناعىز پاتريوتتاردى بىرىكتىرەتىنىن ماقتانىشپەن ايتا الامىن. جاستار ليگاسىنىڭ كەڭەسىنە وبلىستاعى ون مىڭنان استام ەتنوبىرلەستىكتىڭ جاس قاناتتارىنىڭ ءتوراعالارى كىرىپ وتىر. جاستار ليگاسى كوشباسشىلارىنىڭ ءارقايسىسى ەلدە بەيبىتشىلىك پەن كەلىسىمدى ورناتۋعا ەلەۋلى ۇلەسىن قوسىپ وتىر»، - دەدى جامبىل وبلىستىق ق ح ا جانىنداعى «اق جەلكەن» جاستار ليگاسىنىڭ ءتوراعاسى زاينۋتدين ماحۋسەيەۆ.
