16:49, 31 - قاڭتار 2016 | GMT +5
باتىس قازاقستاندىق بالۋان تۋرنيرىندە قولا جۇلدەنى جەڭىپ الدى
ورال. قازاقپارات - باتىس قازاقستاندىق بالۋان، ب ق و ىشكى ىستەر دەپارتامەنتىنىڭ قىزمەتكەرى ەكاتەرينا لاريونوۆا كراسنويارسك قالاسىندا ەرلەر مەن ايەلدەر اراسىندا ەركىن كۇرەستەن ХХVІІ حالىقارالىق يۆان يارىگين تۋرنيرىندە قولا جۇلدەنى جەڭىپ الدى.
دەپارتامەنتتىڭ باسپا ءسوز قىزمەتىنەن تۇسكەن مالىمەتكە قاراعاندا، اتالمىش دوداعا الەمنىڭ الپىس شاقتى ەلىنەن مىقتى بالۋاندار قاتىسقان. ە. لاريونوۆا 63 كەلىگە دەيىنگى سالماقتا ءۇشىنشى ورىنعا كوتەرىلدى.
بۇل - ەكاتەرينانىڭ بيىلعى جىل باسىنان بەرگى ەكىنشى جۇلدەسى. مۇنىڭ الدىندا تاراز قالاسىندا وتكەن قازاقستان چەمپيوناتىندا ە. لاريونوۆا التىن مەدالدى جەڭىپ العان بولاتىن.
ايتا كەتەيىك، ايەلدەر كۇرەسىنەن 2014 -جىلعى الەم چەمپيوناتىنىڭ قولا جۇلدەگەرى، حالىقارالىق دارەجەدەگى سپورت شەبەرى ە. لاريونوۆانىڭ بيىلعى باستى ماقساتى - ريو- دە- جانەيرو وليمپياداسى جولداماسىن يەلەنىپ، سوندا ءساتتى ونەر كورسەتۋ.
اۆتور: ەلجان ەرالى
