عالىمدار: ادامنىڭ تاڭداعان كاسىبى ونىڭ مىنەزىمەن بايلانىستى

استانا. قازاقپارات - ادامنىڭ تاڭداعان كاسىبى ونىڭ مىنەزى تۋرالى ايتىپ بەرە الادى، دەپ ەسەپتەيدى عالىمدار.

ورحۋس ۋنيۆەرسيتەتىنىڭ زەرتتەۋشىلەرى 12 جەكەلەگەن زەرتتەۋگە قاتىسقان 13 مىڭنان استام ستۋدەنتتىڭ مالىمەتتەرىن تالدادى. ەرىكتىلەر تۇلعانىڭ نەگىزگى بەس سيپاتى - اشىقتىق، ادامگەرشىلىك، جۇمساقتىعى سياقتى سۇراقتار قامتىلعان پاراقشالاردى تولتىردى، دەپ جازادى The Daily Mail.

ماماندار ادامنىڭ ۋنيۆەرسيتەتتە وقىعانى مەن ونىڭ مىنەزىنىڭ سيپاتتارى اراسىنداعى اراقاتىناستى انىقتاعان. اتاپ وتكەندە، مەديتسينا، قۇقىق، ەكونوميكا جانە ساياساتتانۋ فاكۋلتەتتەرىنىڭ ستۋدەنتتەرىندە ەكستراۆەرسيا دەڭگەيى باسقالارىنا قاراعاندا ايتارلىقتاي جوعارى بولدى. زاڭگەر، ەكونوميستتەر جانە بيزنەس فاكۋلتەتىنىڭ قاتىسۋشىلارى ەڭ از كونگىش بولدى. ولار جومارتتىقتى سيرەك تانىتىپ، باسقالارعا از كومەكتەسكەن.

مادەنيەت جانە ونەر فاكۋلتەتىنەن ەرىكتىلەر، سونداي- اق پسيحولوگيا جانە ساياساتتانۋدى وقىعاندار جاڭالىق ءۇشىن اشىق، ياعني شىعارماشىلىق تۇلعالار بولىپ شىقتى. كوپشىلىك ءۇشىن «ەڭ جابىق» تۇلعالاردىڭ اراسىندا ەكونوميستەر، ينجەنەرلەر، زاڭگەرلەر جانە جاراتىلىستانۋ عىلىمدارى فاكۋلتەتىنىڭ ستۋدەنتتەرى بولدى.

مادەنيەت پەن ونەر سالاسىندا وقىعان ادامدار باسقالارىنا قاراعاندا از ادال جانە جۇيكەسى «جۇقا» بولىپ شىقتى. پسيحولوگيا فاكۋلتەتىنىڭ ستۋدەنتتەرى دە ولاردان الىس كەتكەن جوق. ماماندار ولاردىڭ جاساعان قورىتىندىلارى مەكتەپ وقۋشىلارىنا كاسىپ تاڭداۋعا، ال وقىتۋشىلارعا - ءوز دارىستەرىن دۇرىس جوسپارلاۋعا كومەكتەسەتىنىنە ۇمىتتەنىپ وتىر.