ساياسات تانۋشى ا. ءابۋوۆ ءماجىلىس سايلاۋىنا قاتىستى ءوز بولجامىن ايتتى
مۇنداي بولجامدى بۇگىن ق ر پرەزيدەنتى جانىنداعى و ك ق- دەگى بريفينگتە ساياساتتانۋشى جانە ءدىنتانۋشى ايدار ءابۋوۆ جاسادى.
«ارينە، بولجاۋ - ەڭ قيىن ءارى ابىرويسىز ءىس. اسىرەسە، بۇگىنگى كۇنى ساياسي-ەكونوميكالىق جايتتاردى بولجاۋ - بۇل وتە قيىن جايت. دەگەنمەن، «نۇر وتان» پارتياسىنىڭ الداعى سايلاۋعا تىڭعىلىقتى دايىندالىپ جاتقانى ءسوزسىز. پارتيانىڭ كەزەگى وتكەن كەزەكتەن تىس سەزى كورسەتكەندەي، ولار بۇعان دەيىن قول جەتكىزگەن ناتيجەدەن دە جوعارى ماقساتتارعا ۇمتىلاتىندىعى انىق»، - دەدى ول.
ساياسات تانۋشى ءوز سوزىندە الداعى ۋاقىتتا سايلاۋعا دايىندىق شارالارى بەلەڭ الىپ، ەلەكتورالدى كەزەڭ قىزۋ جۇرگىزىلەتىندىگىن اتاپ ءوتتى.
«سايلاۋعا بىرنەشە پارتيانىڭ قاتىساتىندىعى كۇتىلۋدە. ولار دا ماجىلىستەگى ورىن ءۇشىن كۇرەسەتىن بولادى. دەمەك بۇل، سايلاۋدىڭ دەموكراتيالىق ەرەجەلەر مەن حالىقارالىق قاعيداتتارعا ساي ەكەندىگىن كورسەتەدى. مەنىڭشە، الدىن الا بولجام جاسايتىن بولساق، «نۇر وتان» پارتياسى بۇعان دەيىنگى سايلاۋداعىداي بارىنشا جوعارى ناتيجەگە قول جەتكىزەتىن سياقتى»، - دەدى ا. ءابۋوۆ.
اۆتور: مارلان جيەمباي
